bwiza.com
Amakuru Imikino

Umufaransa Sebastien Desabre watozaga Uganda Cranes yasezeye ku mirimo ye

Nyuma y’aho ikipe ya Uganda Cranes isezerewe mu mikino y’Igikombe cya Afurika cy’Ibihugu, Umutoza wayo, Sebastien Desabre ukomoka mu Bufaransa, yahisemo gusezera ku mirimo ye ndetse Ishyirahamwe ry’Umupira w’Amaguru muri Uganda (FUFA) ryemeza ko babyumvikanye.

Umutoza Sebastien Desabre yari yagiye gutoza ikipe y’Igihugu y’Umupira w’Amaguru ya Uganda, asimbura umutoza Milutin Micho mu 2017, nyuma y’aho uyu mutoza ukomoka muri Serbia ashinjije FUFA kumwambura ibirarane by’umushahara we.

Itangazo ryashyizwe ahagaragara na FUFA kuri uyu wa Gatandatu, itariki 06 Nyakanga, rivuga ko FUFA n’umutoza Desabre bumvikanye ku kurangiza amasezerano bari bafitanye nk’uko iyi nkuru dukesha Kampala Post ikomeza ivuga.

Itangazo rikomeza rivuga ko kurangiza aya masezerano biri mu nyungu no mu mikurire y’impande zombi.

FUFA kandi yemeye inkunga Desabre yateye mu kuzamura siporo no kugira abanyamwuga abakinnyi ba Uganda Cranes bikayibashisha kugera mu mikino AFCON 2019.

Iri tangazo risoza rivuga ko FUFA izatangaza gahunda ziri imbere za Uganda Cranes ku bijyanye n’abakozi n’izindi gahunda mu minsi iri imbere.

 

 

Izindi wakunda

Bwiza.com
error: Alert: Ntabwo byemewe!!