bwiza.com
Ahabanza » USA: Abashakashatsi babashije kuvura HIV mu mbeba 9 muri 23 bakoreyeho ubushakashatsi
Amakuru Politiki

USA: Abashakashatsi babashije kuvura HIV mu mbeba 9 muri 23 bakoreyeho ubushakashatsi

Abashakashatsi bo muri Leta Zunze Ubumwe za Amerika babashije gukura HIV muri DNA z’imbeba zari zandujwe sida mu rwego rw’igerageza, indi ntambwe iganisha ku kubona umuti wazavura miliyoni 37 z’abantu bagendana n’agakoko ka sida.

Mu nyigo yashyizwe ahagaragara kuwa Kabiri ushize, abashakashatsi bo mu Ishuri ry’ubuvuzi rya Lewis Katz rya Kaminuza ya Temple n’abo mu ishuri ry’ubuvuzi rya Kaminuza ya Nebraska, bavuga ko bakoze umuti ugabanya gahoro gahoro virus kugirango uvane burundu utunyangingo twa HIV mu mbeba zandujwe sida.

Umuti uvura HIV uhari kuri ubu ntubasha kurangiza burundu virus mu mubiri, ariko uyica intege ugatuma hatavuka izindi. Iyi miti izwi nka Antiretroviral isaba kuyikoresha ubuzima bwawe mu gihe wanduye kugirango uyibuze gukwirakwira, kandi inyigo yo muri Gicurasi igaragaza ko ishobora kurangiza kwanduzanya HIV hagati y’abakorana imibonano mpuzabitsina.

Mu gusuzuma uburyo bwabo, ku tsinda ry’imbeba zandujwe, cyangwa izakozwe  kugirango zigire uturemangingo nk’utw’umuntu tunyuramo HIV, abashakashatsi bakoresheje imivurire izwi nka LASER ART cyangwa ART mu kubuza uturemangingo twa HIV kubyara utundi.

Iri tsinda rikaba ryarakoresheje umuti ryibanda mu ngingo zitandukanye nk’ubwonko, mu misokoro, bivugwa ko VIH ikunda kwihisha cyangwa aho utunyangingo twayo tudakora dukunze gusangwa.

Mu gukura uturemangingo twanduye muri DNA z’izi mbeba, bakoresheje uburyo bwo gukosora uturemangingofatizo (Gene Editing) buzwi nka CRISPR-Cas9 nk’uko iyi nkuru dukesha CNN ikomeza ivuga.

Ibi ngo byatumye aba bashakashatsi babasha kwirukana HIV  mu mbeba 9 muri 23 bakoreyeho ubushakashatsi. Ubu bushakashatsi ngo akaba ari icyemeza ko HIV ishobora kuzavurwa.

Izindi wakunda

Bwiza.com