bwiza.com
Amakuru mashya Utuntu n'utundi

Afurika y’Epfo: Indege bikoreye yasoje urugendo rw’ibilometero 12,000

Indege yakozwe n’urubyiruko rwo muri Afurika y’Epfo yasoje urugendo rw’ibyumweru bitandatu rwavaga mu mugi wa Cape rugana muri Cairo mu Misiri.

Iyi ndege ifite imyanya yo kwicaraho ine iri mu bwoko bwa Sling 4. Yakozwe n’abanyeshuri 20. Ikoze uru rugendo rw’ibilometero 12,000 ihagaze mu bihugu bikurikira: Namibiya, Malawi, Ethiopia, Zanzibar, Tanzaniya na Uganda.

Umupilote w’iyi ndege, Meghan Werner w’imyaka 17 y’amavuko agaragaza ibyishimo afite nyuma yo kugera ku nzozi ze.

Ati: “ Nishimiye kuba dukoze itandukaniro kuri uyu mugabane.”

Ahamya ko intego bari bafite ari ukwereka Abanyafurika ko ibintu byose byashoboka babashije kubyumva.

Yagize ati: “Nishimiye cyane kuba twabaye urugero ahantu hose twagiye duhagarara kuri uyu mugabane. Intego y’iki gikorwa ni ukwereka Afurika ko buri kintu cyose gishoboka iyo ugishyizeho umutima”.

Uretse n’Abanyafurika, iki gikorwa cyari kinagamije kongerera icyizere ingimbi n’abangavu.

Bagiye bahura n’imbogamizi zitandukanye nk’ubwo bageraga mu murwa wa Addis Abeba muri Ethiopia bakabura amavuta y’indege, bari bafite impungenge zo kunyura mu kirere cya Sudani bitewe n’umutekano muke uriyo, bavuze kandi ko ubuyobozi bwa Misiri bwashatse kubafunga, bashaka no kubaka ibyangombwa.

Bari abapilote batandatu bari babonye uruhusha rwo gutwara iyi ndege ku ntera itarenga ibicu. Kuva muri Afurika y’Epfo kugera mu Misiri bagiye bakukanwa mu gutwara.

 

 

Izindi wakunda

2 Ibitekerezo

KARARA Jean de Dieu 09/07/2019 1:37 pm at 1:37 pm

Bakomereze aho bizageda biza gake gake

Subiza
GAHUZAMIRYANGO 09/07/2019 6:21 pm at 6:21 pm

TWARI TWABWIWE KO BAZAGERA NI INAHA I WACU MU RWANDA. Byabagendekeye gute? Babuze inzira?

Subiza

Tanga Igitekerezo

Bwiza.com
error: Alert: Ntabwo byemewe!!