bwiza.com
Ahabanza » Burundi: Isoko riremera mu irimbi
Amakuru Utuntu n'utundi

Burundi: Isoko riremera mu irimbi

Inyama, inzoga, amakara n’ibindi bitandukanye nibyo usanga birimo gucuruzwa mu isoko rito riremera mu irimbi riherereye mu mujyi wa Muyinga mu Burundi.

Abacuruzi bafite ibitanda bacururizaho ibicuruzwa byabo, abandi bubatse amaduka mato, by’umwihariko hakaba hari n’umugore utegura amafunguro hafi y’imva y’umugabo washyinguwe mu cyumweru kimwe gishize, yagize ati « Iyi ni resitora yanjye ».

Undi mugore ufite akabari muri iryo rimbi acururizamo inzoga zitaciye mu ruganda, aganira na SOS Medias/Burundi yagize ati « Biteye isoni, niba umwe mu bayobozi twitoreye ngo baduhagararire yohereza abacuruzi muri iri soko kandi batanga imisoro nk’abandi bacuruzi”.

Abaturage batandukanye bagiye banenga ubuyobozi ku bw’iri soko riremera mu irimbi, ko ibi bigaragaza ko nta cyubahiro baba bahaye abashyinguye muri iri rimbi kandi ko bihabanye n’umuco kuba umuntu yajya guhaha ibiribwa birimo n’inyama mu irimbi.

 

 

 

Izindi wakunda

Bwiza.com