bwiza.com
Amakuru Politiki

Kigali: Bamwe mu bagororwa bigometse ku mategeko ya gereza/ Mageragere

Ubuyobozi bw’Urwego Rushinzwe Imfungwa n’Abagororwa mu Rwanda (RCS) butangaza ko nta myigaragambyo yabaye muri gereza ya Mageragere, iherereye mu Karere ka Nyarugenge, Umujyi wa Kigali, ahubwo ko ari bamwe mu bagororwa bagerageje kwigumura ku mabwiriza n’amategeko agenga gereza.

Amakuru yavugaga ko imyigaragambyo muri gereza yabaye mu ijoro ryo ku wa Mbere tariki ya 8 Nyakanga 2019, ndetse binavugwa ko muri iyi gereza humvikanye urusaku rw’amasasu.

Umuvugizi wa RCS, SSP Hillary Sengabo aganira na VOA, yagize ati “Muri gereza ya Nyarugenge rero nta myigaragambyo yahabaye, kusa icyahabaye ni ibikorwa by’umutekano byari bigamije gufata abagororwa bake bagera kuri 28 bari bagize ibikorwa byo kwigomeka ku mategeko ya gereza”.

Yakomeje avuga ko bamwe mu bagororwa batambamiye bagenzi babo bari bagiye mu mirimo nyongeramusaruro, bababuza gusohoka ngo bigomekane nabo. Ati “Iyo bibaye muri gereza, ubuyobozi bwayo n’abashinzwe umutekano bagerageza gufata ababigizemo uruhare.

Akomeza avuga ko ubu hatangiye iperereza kugira ngo abafashwe babihanirwe hagendewe ku mategeko ngengagereza, arimo ngo kuba bahagarikirwa gusurwa, gushyirwa muri gereza za bonyine mu minsi itarenze 15 cyangwa kwimurwa bakajyanwa gufungirwa mu yindi gereza,…

 

Izindi wakunda

Bwiza.com
error: Alert: Ntabwo byemewe!!