bwiza.com
Ahabanza » Afurika Yunze Ubumwe yamaganye amahanga akomeje kwivanga mu bibazo bya Libya ku nyungu zayo
Amakuru Politiki

Afurika Yunze Ubumwe yamaganye amahanga akomeje kwivanga mu bibazo bya Libya ku nyungu zayo

Komite y’Umuryango wa Afurika Yunze Ubumwe ikurikirana ibibera muri Libya iremeza ko ifite impungenge ku cyo yise ‘Ukwivanga kw’amahanga’ muri iki gihugu kiri mu makimbirane muri iki gihe, igasaba ko hashingwa itsinda ridasanzwe rigizwe n’intumwa za Loni n’iza Afurika Yunze Ubumwe ku bibera muri Libya.

Ibi bikaba bikubiye mu rwandiko rwasohowe na Afurika Yunze Ubumwe nyuma y’inama yabereye muri Niger mu mpera z’icyumweru gishize rwabonwe n’Ibiro Ntaramakuru by’u Bufaransa, AFP.

Afurika Yunze Ubumwe iravuga ko ibabajwe n’abivanga mu bibazo bya Libiya bavuye hanze kuko ngo nta kindi kibagenza Atari ugukurikirana inyungu zabo bwite, mu gihe Abanyalibiya barimo kwishyura ibyo batazi.

Afurika Yunze Ubumwe iramagana abivanga mu bibazo biri muri Libya, ikintu cyongeye gushimangirwa n’ibisasu bya missile byasanzwe mu nkambi y’inyeshyamba za Gen. Khalifa Haftar bivugwa ko byavuye mu Bufaransa.

U Bufaransa bwahakanye kuba bwararenze ku mabwiriza abuza kwinjiza intwaro muri Libya nyuma y’aho ibisasu bine bya missiles byavuye muri iki gihugu bisangiwe ku ruhande rwa Gen. Haftar wigometse ku butegetsi bwa Libya bwemewe akaba yarongeye kubyutsa imirwano irimo guhitana Abanyalibiya.

 

Izindi wakunda

Bwiza.com