bwiza.com
Amakuru Politiki

Besigye agiye gusubira mu rukiko

Umucamanza mukuru w’urukiko rwa Nakawa muri Uganda yasabye ko Dr. Kiiza Besigye yongera kuburanishwa ku byaha byo kugambanira igihugu.

Ubu busabe bwakurikiye ubwa Romans Ponsiano Odwori bwatanze mu izina rya Christine Apolot, umucamanza ku rwego rw’igihugu wavuze ko Besigye yanze kwitaba urukiko inshuro nyinshi.

“ Nyakubahwa, uregwa ntabwo ari mu rukiko. Ndabasaba ko igihe cye cyo kuburanishwa mwacyongera.” Ni ubusabe bwa Romans Ponsiano yatanze ku wa 10 Nyakanga nk’uko The New Vision ibivuga.

Impapuro zo mu rukiko zigaragaza ko Besigye na Ernest Kalibala umuhagarariye mu mategeko batigeze bitaba kuva mu 2018.

Ashinjwa ibyaha nko kurahirira ku biro by’umukuru w’igihugu ko ari we perezida watowe n’abaturage. Ibi yabikoze hagati ya tariki hagati ya tariki ya 18 Gashyantare, umunsi amatora yabereyeho na tariki ya 11 Gicurasi mu 2016, ubwo yarahiraga. Ibi yabikoze mbere y’irahira rya Museveni ryabaye ku wa 12 Gicurasi, 2016. Besigye yatangaje ko yatsinze amatora ku majwi 52 ku ijana, mu gihe inama y’igihugu y’amatora yo yatangaje ko Museveni yatsindiye ku majwi 61 %, Besigye agira 35 %.

Ikindi cyaha ni ugushishikariza abaturage kwitabira umuhango utemewe wo kurahirira umwanya w’umukuru w’igihugu, byombi byamuviriyemo gufungwa, ariko nyuma yaje gufungurwa, atangira gukurikiranwa n’inkiko.

 

 

Izindi wakunda

Bwiza.com