bwiza.com
Amakuru mashya Politiki

Itangazamakuru si icyaha-UNESCO

Ishami ry’Umuryango w’Abibumbye ryita ku burezi n’umuco, UNESCO riti “ kubera ko ubwisanzure mu gutanga ibitekerezo n’amakuru, itangazamakuru si icyaha. Tunenga cyane ubwicanyi bukorerwa buri munyamakuru kandi tugasaba ko hakorwa iperereza kuri iki cyaha, ababikora bakajyanwa mu butabera.”

Ni ubutumwa yatangiye ku rubuga rwa Twitter, irasaba abatuye isi gushyigikira ubwisanzure bw’itangazamakuru nyuma ya raporo ivuga ko mu banyamakuru 10 bicwa, 1 gusa anyongwa. Kunyongwa biterwa no gutara cyangwa gutangaza inkuru, bigafatwa nk’icyaha, bituma umunyamakuru ajyanwa mu nkiko mu bihugu bimwe, agakatirwa kwicwa.

Mu mutwe uri ku rubuga ugira uti: KUREBA KU BWISANZURE BWO GUTANGA IBITEKEREZO, usobanura intego z’umuryango w’Abibumbye harimo kureba ku bwigenge, ubwinshi bw’ibinyamakuru byandika kuri murandasi, ibisohora impapuro n’ibitangaza amakuru.

Ibi ni byo bishyingirwaho himakazwa politiki y’ubwisanzure bw’itangazamakuru n’umutekano w’abanyamakuru kimwe no gushyigikira ubwisanzure bw’itangazamakuru hashingiwe ku mahame agenga uyu mwuga no kwigenera amategeko.

UNESCO ibona ko ubwiyongere bw’ibitangazamakuru buha abumva cyangwa abasoma uburenganzira uburyo bwo guhitamo. Ni yo mpamvu igira uruhare mu kubaka itangazamakuru rya rubanda, hakarebwa ku bwiyongere bw’igitsina gore mu mwuga. Kugira ngo abanyamwuga n’abo bagenera ibikorwa byabo bagire ubumenyi bwisumbuyeho, iri shami rya ONU rifite gahunda yo gushyiraho uburyo imyigishirize y’itangazamakuru yazamurwa.

Izi gahunda zose ziri mu rwego rwo gushyigikira ubwisanzure bwo gutanga ibitekerezo nk’uburenganzira bw’ikiremwamuntu nk’uko biri mu ngingo ya UNESCO ya 19 mu itegeko ry’uburenganzira rusange bw’ikremwamuntu.

 

Izindi wakunda

Bwiza.com
error: Alert: Ntabwo byemewe!!