bwiza.com
Amakuru Mu mashuli

Ngoma: Abanyeshuri bigumuye banga gukora ikizamini

Abanyeshuri biga mu mwaka wa Gatandatu mu ishami ry’indimi  mu rwunge rw’amashuri rwa Bare, mu Murenge wa Mutenderi,  ku wa Mbere tariki ya 8 Nyakanga 2019, banze gukora ikizamini cy’igiswahili mu gihe bashinjaga mugenzi wabo kugikopezwa.

Aba banyeshuri bigumuye bavuga ko ibibazo n’ibisubizo by’ikizamini byateguwe n’ishami ry’uburezi mu karere ka Ngoma, umwarimu yabihaye umunyeshuri mugenzi wabo. Bavuga ko icyo babikoreye ari ukugira ngo ingeso yo gukopera icike, no kugaragaza ko bishobora kuzagira ingaruka kuri barumuna babo.

Mukankusi Dative bita Scovia uvugwaho guhabwa ikizamini n’ ibisubizo byacyo,  ashinja umukozi w’ikigo nderabuzima cya Mutenderi kumuha icyo kizamini akavuga ko amaze kukimuha yagiye mu rugo iwabo agafashwa na se kubona ibisubizo.

Yemeza ko kugira ngo abandi banyeshuri bakibone, byatewe  na mugenzi we yasigiye ikaye yari irimo ibisubizo byacyo agarutse asanga bagenzi be bagifite .

Umukozi w’ikigo nderabuzima cya Mutenderi aganira na Radiyo izuba dukesha iyi nkuru yahakanye ibimuvugwaho, akavuga ko uyu munyeshuri w’umukobwa yamuzaniye furashi yari iriho indirimbo ndetse n’icyo kizamini amusaba ko yamusohorera impapuro, ko aho cyavuye bizwi na Mukankusi Dative.

Ubuyobozi bw’ishuri bwemeza ko abanyeshuri banze gukora ikizamini cy’igiswahili biturutse ku munyeshuri wagihaye bagenzi be mbere y’uko gitangwa, nk’uko byemezwa n’umuyobozi w’iri shuri,  Uwimana Dative unemeza ko basabye Akarere kari kateguye icyo kizamini gutegura ikindi kizamini.

Izindi wakunda

1 Igitekerezo

Jean de Dieu 11/07/2019 1:35 pm at 1:35 pm

Nibyo, koko aya makuru ari kuvugwa muti uyu murenge, ariko nta mwalimu wabigizemo uruhare.
Ahubwo ababinzwe nibige izindi stragegies bakoresha mu guhanana ibyo bizamini.

Subiza

Tanga Igitekerezo

Bwiza.com
error: Alert: Ntabwo byemewe!!