bwiza.com
Ahabanza » Taylor Swift niwe uyoboye ibyamamare byinjije agatubutse muri 2019: Urutonde
Imyidagaduro

Taylor Swift niwe uyoboye ibyamamare byinjije agatubutse muri 2019: Urutonde

 

Umuhanzikazi w’umunyamerika Taylor Swift niwe waje ku mwanya wa mbere mu byamamare bitandukanye mu kwinjiza amafaranga menshi mu mwaka wa 2019.

Nk’uko byashyizwe ahagaragara n’ikinyamakuru cya Forbes Magazine, uyu muhanzikazi yinjije miliyoni 185 z’amadorari y’amerika kuva muri Kamena 2018 kugeza ubu. Aya mafaranga yinjije akaba ayakesha ibikorwa bye bitandukanye by’umuziki.

Kuri uru rutonde , Swift yakurikiwe na Kylie Jenner winjije miliyoni 170 z’amadorari. Kuri uru rutonde kandi hagaragaraho abakinnyi b’ibyamamare mu mupira w’amaguru. Lionel Messi ukinira FC Barcelona yaje ku mwanya wa kane mu gihe mukebe we Christiano Ronaldo ukinira Juventus yaje ku mwanya wa 6.

Ni urutonde ruriho ibyamamare ijana bikora ibintu bitandukanye , harimo abahanzi, abakinnyi b’amafilime, abakinnyi b’umupira n’abandi.

Uru rutonde rwakozwe hagendewe ku mafaranga ibi byamare byinjije hatabariyemo imisoro. Babaze amafaranga binjije binyuze mu mishahara, mu kwamamaza, ibitaramo, indirimbo cyangwa amafilimi n’ibindi bikorwa by’ubucuruzi bitandukanye.

URUTONDE RW’IBYAMAMARE 10 BYINJIJE AGATUBUTSE KURUSHA ABANDI MURI 2019
1 Taylor Swift yinjije miliyoni 185 z’amadorari
2 Kylie Jenner 170$
3 Kanye West 150$
4 Lionel Messi 127$
5 Ed Sheeran 110$
6 Cristiano Ronaldo 109$
7 Neymar 105$
8 The Eagles 100$
9 Dr.Phil McGraw 95$
10 Canelo Alvarez 94$

Mu bindi byamamare byaje kuri uru rutonde, harimo Jay-Z waje ku mwanya wa 20 ndetse na P. Diddy waje ku mwanya 28

Nkurunziza Viateur@ Bwiza.com

Izindi wakunda

Bwiza.com