bwiza.com
Amakuru Politiki

Umurambo w’umugabo w’Umunyarwanda wiciwe muri Uganda wagaruwe mu Rwanda

Umurambo w’umugabo w’Umunyarwanda wabaga muri Uganda, kuri uyu wa Kane, itariki 11 Nyakanga wagaruwe mu Rwanda nyuma yo kwicwa atewe ibyuma.

Amakuru dukesha RadioTv10 aravuga ko ku isaha ya saa yine ari bwo umurambo w’uyu Munyarwanda witwa Niyonzima Faustin wanyujijwe ku Mupaka wa Cyanika uzanywe mu Rwanda gushyingurwa.

Umuryango wa nyakwigendera uravuga ko yicishijwe ibyuma ndetse n’amabuye ariko ubuyobozi bwa Uganda ntacyo burabivugaho.

Ibi bije nyuma y’aho muri Werurwe, Guverinoma y’u Rwanda yafashe icyemezo cyo kuburira Abanyarwanda ibabuza kwishora muri Uganda uko bishakiye kubera ikibazo cy’umutekano wabo utizewe.

Ni nyuma y’aho hari abagiye bagaruka mu Rwanda bavuga akaga bahuriye nako muri Uganda, aho bagiye bafatwa bagafungwa mu buryo bunyuranyije n’amategeko, bagakoreshwa imirimo y’uburetwa, bagakorerwa iyicarubozo mbere yo kugarurwa mu Rwanda.

 

Izindi wakunda

Bwiza.com
error: Alert: Ntabwo byemewe!!