bwiza.com
Ahabanza » Byagoye  Social Mula gusubiza niba  yakongera gukorana na Muyoboke
Imyidagaduro

Byagoye  Social Mula gusubiza niba  yakongera gukorana na Muyoboke

Umuhanzi Lambert Mugiraneza uzwi nka Social Mula atangaza ko bigoranye kuba yagira icyo avuga ku kuba yakongera gukorana na Alex Muyoboke nk’ushinzwe inyungu ze (manager).

Social Mula ni umwe mu bahanzi bakomeye bakoze indirimbo zakunzwe cyane zirimo ‘Umuturanyi’, ‘Amahitamo’, ‘Ma Vie’, ‘Abanyakigali’, ‘Ku Ndunduro’ n’izindi nyinshi.

Uyu muhanzi yatandukanye na Alex Muyoboke mu bihe bishize.

Yatangarije KT Radio ku mugoroba wo kuri uyu wa 11 Nyakanga uyu mwaka, Social Mula yavuze ko  kusubiza niba ubu yakongera gukorana na Muyoboke nyuma yo gutandukana atari ibintu yahita asubiza.

Ati “  Si ibintu nahita nsubiza ubu ariko nanone Muyoboke ni umuntu ushoboye.”

Uyu muhanzi yatangaje ko  kuri ubu nta manaja afite ariko ko bitamubuza gukora neza kandi cyane.

Kuri iyi ngingo, yatangaje ko amaze gushyira hanze indirimbo enye muri uyu mwaka gusa. Ati “ Byose ni ukwipapa no kwimama.”

Biteganyijwe ko azashyira hanze album ye ya mbere mu mpera z’uyu mwaka, izaba igizwe n’indirimbo 15.

 

 

Izindi wakunda

Bwiza.com