bwiza.com
Ahabanza » Guverineri Zoe Kabila n’uwo yasimbuye ntibavuga rumwe ku mwenda avuga yasigiwe
Amakuru Politiki

Guverineri Zoe Kabila n’uwo yasimbuye ntibavuga rumwe ku mwenda avuga yasigiwe

Sinemera ko nasigiye Intara ya Tanganyika umwenda wa miliyoni 5 z’Amadolari y’Abanyamerika kandi sinigeze naka umwenda ungana gutyo,” ibi ni ibyemejwe na Richard Ngoy Kitangala, wahoze ari Guverineri w’Intara ya Tanganyika mu kiganiro n’itangazamakuru i Kinshasa kuri uyu wa Gatatu ushize, itariki 10 Nyakanga.

Bwana Richard Ngoy Kitangala aranyomoza ibiherutse gutangazwa n’uwamusimbuye, Zoe Kabila, umuvandimwe wa Joseph Kabila, wahoze ari Perezida wa Repubulika iharanira Demokarasi ya Congo. Ngoy akaba asaba Zoe Kabila kwirinda kuyoborana intara mu bushotoranyi n’urwango.

Richard Ngoy kandi asaba Zoe Kabila kureka kurangazwa na ba rusahurira mu nduru kuko ari we wenyine uzasubiza ibibazo by’imicungire y’iyi ntara no gusubiza ku murongo abamwegereye avuga ko bashobora kumurohamisha.

Iyi nkuru dukesha Radio Okapi ikaba yibutsa ko ubwo yagezaga gahunda afite ku nteko y’intara kuwa 03 Nyakanga, Guverineri mushya wa Tanganyika, Zoe Kabila, yashinje uwo yasimbuye kuba yarasize intara mu mwenda wa Miliyoni eshanu z’Amadolari.

Icyo gihe Zoe Kabila yavuze ko intara yasigiwe ifite ikibazo cy’imari ndetse n’umwenda, kandi ko uko uwo mwenda wakoreshejwe bidasobanutse.

 

Izindi wakunda

Bwiza.com
error: Alert: Ntabwo byemewe!!