bwiza.com
Ahabanza » Umugabo wategetswe n’umupfumu gusambanya imirambo y’abagore 21 yafatiwe ku wa 19
Amakuru Utuntu n'utundi

Umugabo wategetswe n’umupfumu gusambanya imirambo y’abagore 21 yafatiwe ku wa 19

Ndumiso James ni umugabo w’imyaka 53 y’amavuko, atuye mu gace ka Bulembu, muri Swaziland, ubu ari mu maboko y’ubutabera nyuma yo gufatwa asambanya imirambo y’abagore.

Uyu mugabo ngo asanzwe afite umugore n’abana babiri mu icyenda yari yarabyaye. Umugore we wa mbere yitabye Imana n’abana batatu yari yarabyaye.

Ndumo ngo yaje gushaka umugore wa Kabiri, abyara abana batandatu, bane muri bo bakaba nabo baritabye Imana. Kubera uku kubura abana be n’umugore we wa mbere ndetse n’abandi bantu bo mu muryango, ngo nibyo byamuteye kugana inzira y’abapfumu.

Umupfumu utatangajwe amazina wo mu gace ka Mankayane, kari muri region ya  Manzini , ngo niwe wamubwiye umuti, ngo yamusabye ibintu byinshi bitandukanye ngo kugira ngo atsirike abazimu bari bagiye kumumaraho abantu, muri ibyo yamutegetse hakabamo no gusambanya iyi mirambo.

Sambulo Kelvin, wakoranaga na James mu buruhukiro bw’ibitaro ‘Mankayane Government Hospital’  yagize ati “Kugira ngo abone kano kazi byaramuvunnye, kuko yakoze ibishoboka byose uwo twakoranaga aramwirukanisha, aratereta arakabona, nta bundi buryo yari kuzajya abonamo imirambo y’abagore, aho atangiriye aka kazi ko muri morgue yari afite amahirwe menshi yo kubabona, abakobwa ntabwo yabasambanije, iyo hapfaga umugore yabaga ari amahirwe kuri we”.

Akomeza avuga ko mugenzi we yafashwe n’abakora amasuku mu bitaro, bazindutse bakora amasuku, bagahera muri iyi nzu, kuko ibitaro byari byiteguye ko abayobozi barabigeramo bitewe n’umugore w’umwe mu bo [Abayobozi] wari witabye Imana, ari nawe basanze arimo gusambanya.

Nk’uko ikinyamakuru Waze.com kibitangaza, Sambulo yagitangarije ko mugenzi we yafashwe agahita ajyanwa gufungwa, by’umwihariko ngo ubuzima bwe bukaba buri mu kaga kuko yasambanyaga umugore w’umuyobozi ukomeye. Ati “Yakubiswe cyane, yahise yemera ko atari we mugore wa mbere asambanije, ngo yari uwa 19, abura babiri ngo yuzuze 21 yategetswe n’umupfi, niwe wabyivugiye”.

Ngo umupfumu yari yaramubwiye ko mu gihe cyose azaba arangije gusambanya aba 21, azaba arangije gutsirika umuzimu w’umugore (Nyirasenge) ngo wamuteraga ndetse unagamije kuzamumaraho urubyaro n’abagore, bwa nyuma akaba ariwe wari kuzapfa.

Ubu uyu mugabo arafunzwe, ngo akaba agomba kuzagezwa mu rukiko ashinjwa ibyaha birimo gushinyagurira imirambo. Gusa ngo ntabwo azi amazina ya ba nyiri imirambo bose yasambanije, bamwe ngo ntabwo yabaga abazi.

 

 

 

 

Izindi wakunda

Bwiza.com
error: Alert: Ntabwo byemewe!!