bwiza.com
Amakuru Ubuzima

Kenya: Impinja 11 ziciwe ku bitaro n’indwara itaramenyekana

Ku bitaro by’igihugu byitiriwe Kenyatta(Kenyatta National Hospital), impinja 11 zitarengeje ukwezi zishwe n’indwara bikekwa ko yatewe n’agakoko Klebsiella.

Amakuru ava kuri ibi bitaro nk’uko  Daily Nation yabitangaje ku wa 12 Nyakanga, avuga ko utashatse ko izina rye ritangazwa ku bw’umutekano we yatangaje ko uretse kuba izi mpinja zishobora kuba zishwe n’iyi ndwara, ari uko muri ibi bitaro hatari ibikoresho bihagije byo kwita ku bana bakivuka, ikaba yaba impamvu y’iyi ndwara.

Aya makuru akomeza avuga ko ibikoresho bikoreshwa bagaburira izi mpinja byabuze, biba ngombwa ko abavuzi bakoresha ibindi bidahuje umurimo. Ikindi kandi, ngo abana bagera kuri batatu baryamishwa ku gitanda kimwe, bikongera ibyago byo kwanduzanya indwara. Ni ibyavuye mu igenzura ryakozwe tariki ya 9 n’10 Nyakanga, 2019.

Izi mpinja zapfuye mu cyumweru gishize. Iperereza ryatangiye gukorwa kugira ngo hamenyekane ukuri ku mpamvu y’iki kibazo.

Klebsiella ni agakoko kibasira ibiremwa bitandukanye. Ku bantu, gakunda kugaragara mu nzira z’rwungano ngogozi. Iboneka cyane mu bitaro, igaterwa n’ibikoresho byaho cyane ibimaze ibimaze igihe.

 

 

 

Izindi wakunda

Bwiza.com
error: Alert: Ntabwo byemewe!!