bwiza.com
Amakuru Urukundo

Ndi Fille-mère, mukuru wanjye yabuze urubyaro none umugabo we arashaka ko tubyarana- Nkore iki?

Ndi umukobwa ariko wabyariye iwabo(Fille-mère), umwana wanjye afite imyaka ine, mukuru wanjye nawe amaze imyaka itandatu yarabuze urubyaro none umugabo we aba ansaba kuba nabyarana na we.

Uyu muryango wagerageje kwivuza ahantu hatandukanye ariko ntabwo basanga bafite ikibazo cyababuza kubyara, gusa nabo ubwabo byarabayobeye, bategereje icyo Imana izagena, ariko umugabo we ntabyumva.

Mu kwezi gushize ubwo nabasuraga mu rugo rwabo ku Kacyiru, naje gusanga umugore yatashye ubukwe mu ntara, njye n’umugabo we twagize akanya gahagije ko kuganira byinshi. Navuga ko aribwo bwa mbere twari tuganiriye umwanya muremure.

Nyuma yaje ubwo nari ndi mu kazi, yaje kumpamagara ambaza igihe ntahira, ansaba ko namusanga ahantu araba arimo kunywera, naje kuhamusanga aranganiriza, anyereka uburyo mu rugo rwabo nta munezero uhari.

Byaje kurangira ijambo arikocoye, ambwira ngo kuba namubyarira bibaye ibikunze, ngo byaba ari amahirwe menshi kurusha uko yaba yagiye kumubyara ahandi, ngo kuko umwana nabyara n’ubundi mukuru wanjye yamurera nk’uwe.

Namuteye utwatsi mwumvisha ko bidashoboka, uruhande rumwe harimo gusenyera mukuru wanjye, urundi nanjye naba ndimo kwiyicira izina ku buryo byazarangira nta n’umugabo mbonye.

Umugabo akomeje kunsaba ko tubonana ngo ambwire ubutumwa bwiza amfitiye burimo no kungurira inzu muri Kigali, ariko nkamukundira, tukaryamana. Ibyo byose kandi abimbwira atanazi ko wenda nabwo twaryamana bikanga.

Mungire inama, ese ko ndeba uyu mugabo akomeje kunyiruka inyuma nkore iki? Mbibwire mukuru wanjye se? na we nshobora kubimubwira agahita anyangira icyo cyangwa agakeka ko nsanzwe nsambana n’umugabo we, nabuze amahitamo, mumfashe, murakoze!

 

Izindi wakunda

1 Igitekerezo

Jolie umugwaneza 13/07/2019 9:37 am at 9:37 am

Imana yamuremeye mukuru wawe siwowe yamuremeye ntugomba gutandukanya icyo Imana yafatanyije uzashake uwawe .

Subiza

Tanga Igitekerezo

Bwiza.com
error: Alert: Ntabwo byemewe!!