bwiza.com
Ahabanza » Somalia: Igitero cyahitanye 26 muri hoteli barimo n’abanyapolitiki-amafoto
Amakuru Umutekano

Somalia: Igitero cyahitanye 26 muri hoteli barimo n’abanyapolitiki-amafoto

Intagondwa zagabye igitero kuri hoteli ya Kismayo muri Somalia, gihitana ubuzima bw’abantu 26 harimo n’umukandida wari kuziyamamariza umwanya w’umukuru wa Jubbaland.

Iki gitero cyagabwe ku mugoroba wo ku wa 12 Nyakanga, 2019 ubwo imodoka yari itwaye ibisasu yaturikiye kuri iyi hoteli nk’uko inzego z’umutekano zibitangaza. Zabanje gutangaza kandi ko abamaze kugwa muri gitero ari 13 ariko amakuru ya vuba ya Al  Jazeera avuga ko umubare wamaze kwiyongera, 50 bakaba bakomeretse.

Izi nzego zihutiye gutabara zavuze ko zarasiye bane bagabye igitero muri ‘operation’ yo kubahiga yakozwe mu ijoro. Aya makuru ashimangirwa n’umuyobozi wa polisi, Maj. Mohamed Abdi ati ” Operation irarangiye. Bane bagabye igitero barashwe barapfa.”

Amakuru aturuka ku muturage, Ahmed Abdulle yo avuga ko muri aba bapfuye harimo abanyapolitiki n’abanyamakuru  nka Mohamed Sahal bari mu nama yigaga ku matora yegereje.

Al Shabab, umutwe w’iterabwoba wegamiye kuri Al Qaeda wibasira cyane iki gihugu, ni wo uvugwaho kugaba iki gitero. Umubare w’abakizize ushobora kwiyongera.

Uyu ni Hodan Nalayeh, umunyamakuru wari ufite ubwenegihugu bwa Somalia na Canada. Na we yaguye muri iki gitero.

Izindi wakunda

Bwiza.com