bwiza.com
Ahabanza » Ebola mu mugi wa Goma
Amakuru mashya Ubuzima

Ebola mu mugi wa Goma

Minisiteri y’ubuzima muri Repubulika Iharanira Demukarasi ya Congo yemeje ko icyorezo cya Ebola cyageze mu mugi wa Goma, wegereye Gisenyi mu Rwanda.

Ni umuuntu umwe uvugwaho iyi ndwara muri uyu mugi. Ibiro ntaramakuru by’Abanyamerika, Associated Press bitangaza ko ari umupasiteri wabaga mu mugi wa Butembo.

Kuva iki cyorezo cyagera muri iki gihugu mu 2018, mu burasirazuba bwacyo hamaze gupfa abantu bagera ku 1600.

Ubuvuzi bwacyo bukomwa mu nkokora n’ibibazo by’umutekano muke, ukunze guterwa n’inyeshyamba zitwaje intwaro, zigaba ibitero ahavurirwa n’ahapimirwa Ebola. Umubare w’abarwayi ba Ebola wiyongera uko iminsi itambuka, ugabanya ikizere cy’uko yarandurwa vuba, bigatuma Congo/Kinshasa isaba ubufasha bwisumbuye.

Ibihugu bituranye na Congo nk’u Rwanda na Uganda byabonye ko ari ngombwa kuba maso cyane, bishyiraho ingamba zo kurinda iyi ndwara itarageramo. Bifite ishingiro kuko byagaragaye ko hadafashwe ingamba zikakaye iyi ndwara iyi ndwara yakwadukira no mu bihugu bituranyi. Muri Uganda yari yagezemo ariko amakuru ya vuba yaturutse muri Minisiteri y’ubuzima yavuze ko yamaze kurandurwayo.

Goma ni umugi uherereye mu burasirazuba bwa Congo, mu burengerazuba bw’ u Rwanda. Uhanye imbibi n’umugi wa Rubavu wahoze witwa Gisenyi. Ni umugi utuwe n’abantu barenga miliyoni 2, ugahahirwamo cyane n’Abanyecongo ndetse n’Abanyarwanda. Ibihe by’i Goma ni bimwe n’ibyo mu Rwanda.

Izindi wakunda

Bwiza.com