bwiza.com
Amakuru mashya Imikino

AFCON 2019: Kwitsinda no guhusha penaliti ni byo byaranze imikino ya 1/2

Imikino ya 1/2 y’irushanwa ry’Afurika ry’ibihugu yabaye kuri uyu wa 14 Nyakanga, amakipe yose yifuza gukina umukino wa nyuma; amahirwe rukumbi yari kuzashobora kuyahesha igikombe.

Uko ari ibiri yabereye ku masaha atandukanye. Saa kumi n’ebyiri za hano mu Rwanda, Senegal na Tunisia zahatanye saa tatu z’ijoro, Algeria na Nigeria biba uko ku kibuga mpuzamahanga cya Cairo.

Ntabwo aya makipe yari kuzakina umukino wa nyuma yose ahubwo uko byari kugenda kose, yakina iminota 90, 120 cyangwa bagatera penaliti, hagombaga kuvamo abiri agasigara, andi agakomeza kandi koko ni ko byagenze.

Byasabye iminota 120 kugira ngo Senegal isezerere Tunisia. Amakipe yombi yarangije iminota 90 y’umukino anganya 0-0, biba ngombwa ko umusifuzi yongeraho iminota 30 nk’uko itegeko ribivuga. Ku munota w’100, myugariro wa Tunisia, Dylan Bronn yitsinze igitego, Senegal ikomereza ku gitego 1-0. Uyu mukino kandi, waranzwe no guhusha penaliti ku mpande zombi. Ferjan Sassi wa Tunisia yateye umupira mu biganza bya Alfred Gomis ku munota wa 76. Ku wa 80, Henri Saivet yahawe amahirwe yo guterera Senegal penaliti ariko ayitera igiti cy’izamu.

Umukino wa Algeria na Nigeria warangiye mu minota 90, Algeria yibona ku mukino wa nyuma. Byatangiye ku munota wa 40, ubwo William Troost Ekong wa Nigeria yitsindaga igitego ariko Ighalo akakishyura ku munota wa 75. Amahirwe ya Nigeria yakamiye ku munota wa 5 w’inyongera, ubwo Riyad Mahrez yaheshaga Algeria insinzi.

Uyu mukino wa nyuma uzahuza Senegal na Algeria uzaba tariki ya 19 Nyakanga 2019, mu Misiri aho iri rushanwa riri kubera kuva tariki ya 21 Kamena, 2019.

 

 

 

Izindi wakunda

Bwiza.com
error: Alert: Ntabwo byemewe!!