bwiza.com
Amakuru mashya Imikino

Amakuru agezweho: Igura n’igurisha mu mupira w’amaguru

Amakuru y’igura n’igurisha aracyavugwa cyane mu mupira w’amaguru. Amwe aracyari impuha, andi ni impamo.

Tuyakomora ku binyamakuru bitandukanye bivuga ku mupira w’amaguru, uyu munsi.

Inkuru ya mbere ivuga ko Manchester United na Leicester City zamaze kumvikana kuri myugariro Harry Maguire nyuma y’aho atangarije ko atagikeneye kuguma muri iyi kipe ya Leicester. The Sun ivuga ko amakipe yombi yumvikanye miliyoni 80 z’amayero. Igisigaye ni ukumusinyisha, akanatangazwa ku mugaragaro.

Neymar Jr ashobora gusubira muri FC Barcelona bidatinze. Ibi bivuzwe nyuma y’uko uyu munya Brazil atagiye mu myiteguro y’amarushanwa y’umwaka utaha na Paris Saint Germain. The Daily Mail cyatangaje ko aya makipe yombi ashobora kugirana ibiganiro ku hazaza h’uyu mukinnyi muri iki cyumweri.

Leicester irashaka Lewis Dunk wa Brighton & Hove Albion ngo asimbure Harry Maguire.  The Sun ivuga ko ishobora kumutangaho miliyoni 45 z’amayero.

Calciomercato cyo mu Butaliyani kivuga ko Philip Coutinho ashobora kuva muri FC Barcelona, agasubira muri Liverpool FC kuri miliyoni 88 z’amayero. The Express kivuga ko uyu mukinnyi nta gahunda yo kujya muri Manchester United, ahubwo amahitamo ye ari hagati ya Paris Saint Germain na Liverpool.

Celtic yanze miliyoni 25 z’amayero Arsenal yashakaga gutanga kuri Kieran Tierney. Iyi kipe kandi irifuza Everton usanzwe akinira Gremio muri Brazil.

Arsenal, Tottenham na Manchester City zirashaka umunya-Brazil, Dani Alvez udafite ikipe nyuma yo gusezera muri Paris Saint Germain. (Mundo Deportivo).

Antoine Griezman ni umukinnyi mushya wa FC Barcelona. Atletico Madrid yavuyemo yavuze ko igiye kurega iyi kipe ngo kuko yavuganye na we mu ibanga muri Werurwe, ubwo yabarirwaga kuri miliyoni 200 z’amayero. Amakuru ya Goal avuga ko iyi kipe y’i Madrid nta gihamya ifite kuri iki kirego.

AC Milan na AS Roma arashaka kugura umukinnyi wo hagati w’Umunya Côte d’Ivoire, akaba n’umukinnyi wa Fullham, Jean Michel Seri. (The Express).

N’ubwo amakipe menshi amwifuza, Christian Eriksen wa Tottenham ashobora kuguma mu mugi wa Londre, akinira iyi kipe.

Liverpool, Arsenal, Manchester City na Manchester United  zirifuza Moscow Fedor Chalov ukinira CSK Moscow w’imyaka 21 y’amavuko.

 

 

Izindi wakunda

Bwiza.com
error: Alert: Ntabwo byemewe!!