bwiza.com
Amakuru mashya

Asia: Umwuzure watwaye ubuzima bwa benshi mu bihugu bitatu

VARANASI, INDIA - AUGUST 11: People at flooded market on August 11, 2011 in Varanasi, Uttar Pradesh, India. India's monsoon rains were 14 percent above normal in the week to Aug. 10, 2011.

Kuri iyi tariki ya 15 Nyakanga 2019, umwuzure wishe abantu 130 mu bihugu by’Ubuhinde, Nepal na Bangladesh, abantu hafi miliyoni enye bavanwa mu byabo.

BBC ivuga ko 67 bapfiriye muri Nepal, 30 barabura, abandi 38 barakomereka nk’uko igipolisi cy’iki gihugu kibitangaza.

Umugezi wa Brahmaputra  utemba unyura mu Buhinde, Bangladesh n’Ubushinwa wuzuye, ujya mu biturage bisaga 1800 muri leta ya Assam, abasaga miliyoni 1.7 barimuka nk’uko Reuters yabitangaje. Muri leta ya Bihar iri mu majyaruguru y’iki gihugu naho wahibasiye, abasaga miliyoni ebyiri bimurwa mu byabo.

Ibihe by’imyuzure ifite ubukana biba byitezwe kuva muri Kamena kugeza muri Nzeri buri mwaka mu bihugu bya Aziya y’amajyepfo. Yangiza byinshi, bigatwara ubuzima bw’abantu, abandi bakimuka. Mu mwaka w’ 2018, abantu 1200 bahitanwe n’imyuzure ndetse n’inkangu, byose biterwa n’imvura ikabije.

Amakuru aturuka mu bigo by’ubumenyi bw’ikirere bitangaza ko hashobora kuza undi muyaga ugatera undi mwuzure.

Iyi myuzure iterwa n’imvura nyinshi na yo izanwa n’umuyaga witwa ‘ Monsoon Wind’ uhuha uva mu majyepfo ya Aziya, mu nyanja y’Ubuhinde ugana mu burasirazuba bw’uyu mugabane. Iyi mvura igira uburemere bitewe n’umuvuduko w’uyu muyaga.

Izindi wakunda

Bwiza.com
error: Alert: Ntabwo byemewe!!