bwiza.com
Amakuru Utuntu n'utundi

Umurinzi wa Bruce Melody ngo yasunika Coaster-byinshi kuri we+amafoto

Iradukunda Jean Luc ni umusore uhagarariye itsinda ry’abarinda ririnda abantu batandukanye nk’ibyamamare, asanzwe arinda umuhanzi Bruce Melody. Yemeza ko mu bushobozi bwe yafasha uwagize ikibazo akamusunikira bus ntoya ya ‘COASTER’.

Ni umusore w’ibigango nk’uko dusanzwe tuzi aba ‘bouncer’. Afite ukuboko kunini cyane, avuga ko agukesha imyitozo akora kuko ari yo akesha ubuzima bwe. Aboneraho kugira inama abashaka gukora uyu mwuga ngo birinde kunywa inzoga cyanwa ibiyobyabwenge kuko bica intege.

Yaganiriye na Inyarwanda, avuga akora imyitozo y’ibice bitandukanye by’umubiri ariko mu bihe bitandukanye. Abajijwe ibiro aterura, Jean Luc yasubije ko amaboko ye akora umwitozo w’ibiro 120, amaguru agakora uw’ibiro 300.

Avuga ko nk’itsinda rya B KGL bakora akazi kabo kinyamwuga ku buryo iyo agiye kurinda umuntu, babanza bagasinya amasezerano, akavuga ko naramuka agize ikibazo abyirengera nk’umurinzi. Yongeyeho ko uburinzi bakora buba bugamije kutagira n’umwe buhutaza. Yatanze urugero rw’umuntu ushatse gutera uwo arinze, akamukubitisha umuriro. Ati: ” Uramusinziriza, nyuma akabyuka.”

Yavuze ko atakwemerera intare kugera ku wo arinze. Ngo si uko afite imbaraga zo kwica cyangwa gukanga intare, ariko ku bw’inshingano baba bafite, bakora uko bashoboye abo barinze bagatekana n’ubwo intare zabica cyangwa zikabakomeretsa. Muri gahunda bafite nka B KGL, ngo bari gukorana n’inzego zo mu Bushinwa, ku buryo zizabazanira imyenda y’ibyuma ku buryo n’intare ije yaguma aho ikabura uko imushinga amenyo. Iyi nkunga bazayihabwa ku bufatanye n’Ubushinwa.

Jean Luc avuga ko bitewe n’uko agaragara, abantu barimo na Bruce Melody bamwise izina ‘Mubi Cyane’ n’Intare. Avuga ko amafaranga yahembwe yamuryoheye cyane ari ayo yahawe ubwo yarinze umukinnyi wa filimi w’Umushinwa, Ong Bak ubwo yari yaje mu Rwanda. Yahembwe amafaranga y’u Rwanda 200,000 ku munsi. Yemera ko n’ubu hari igihe ayahembwa ariko amaze kubimenyera.

B KGL ni itsinda rigizwe n’abanyamuryango bahoraho 30 ariko iyo babonye akazi kenshi biba ngombwa ko bashaka abandi bitoje, bakabafasha akazi.

Izindi wakunda

Bwiza.com
error: Alert: Ntabwo byemewe!!