bwiza.com
Ahabanza » Amateka yaranze tariki ya 18 Nyakanga, ibyamamare byavutse, ibyatabarutse n’abatagatifu bibukwa
Amakuru Amateka IBYEGERANYO

Amateka yaranze tariki ya 18 Nyakanga, ibyamamare byavutse, ibyatabarutse n’abatagatifu bibukwa

Uyu wa kane, tariki ya 18 Nyakanga ni umunsi w’199 muri 365 igize umwaka w’2019. Kugira ngo umwaka urangire, hasigaye iminsi 166; ni mike kurusha imaze gutambuka.

Aya ni amateka yaranze iyi tariki hano ku isi, turababwira ibyamamare byavutse, ibyatabarutse ndetse n’abatagatifu bibukwa.

Turahera amateka yacu muri 390, mbere y’ivuka rya Yesu cyangwa Yezu, tugeze mu mwaka duhereje inyuma.

390 BC: Mu rugamba rwa Allia, Aba-Gaule banesheje Abaromani, bituma batakaza umurwa wa Roma.

362 BC: Mu rugamba rw’Abaroma n’Abaperise: umwami Julian yageze muri Antioch afite ingabo 60,000. Bahamaze amezi 9 ubwo barwanyaga ubwami bwa Perise.

645: Ingabo z’Ubushinwa zari ziyobowe na Gen. Li Shiji zafashe umugi wa Anchi mu rugamba rwa Goguryeo na Tang.

1195: Mu rugamba rwa Alarcos: Ingabo za Almohad zatsinze iza Castilia zari ziyobowe na Alfonso III, zisubira muri Toledo.

1290: Umwami Edward I w’Ubwongereza yashyize itegeko rica Abayahudi 16,000 mu bwami bwe. Ku ngengabihe y’Abaheburayo, uyu munsi witwa Tisha B’Av. Bawibukiraho ibi byago byabaye ku Bayahudi.

1334: Umushumba wa Florence yatangije igikorwa cyo kubaka umunara w’inzogera uri kuri catedrali ya Florence.

1806: Magazine y’imbunda cyangwa agace k’imbunda bashyiramo amasasu katurikiye muri Birgu ho muri Malta, kica abantu bagera kuri 200.

1812: Hashyizweho amasezerano y’amahoro ya Orebro, yashize ku iherezo intambara hagati y’Ubwongereza n’Uburusiya, ndetse n’Ubwongereza na Swede.

1841: Umwami Pedro wa II muri Brezil yimye ingoma.

1857: Louis Faidherbe, guverineri w’umufaransa muri Senegal, yakuye ingabo z’Ubufaransa muri Kayes, intambara ya El Hajj Umar Tall n’Ubufaransa ijya ku musozo.

1872: Ubwami bw’Ubwongereza bwemeje ko amatora y’abagize inteko ishinga amategeko n’inzego z’ibanze akorwa mu buryo buziguye.

1918: Nelson Madiba Mandela yabaye perezida wa Afurika y’Epfo.

1925: Umunyagitugu w’Umudage, Adolph Hitler yashyize hanze igitabo ‘Mein Kampf’ cyangwa se ‘Mon Combat’ kivuga ku rugamba rw’ishyaka ry’Abanazi yashinze.

1942: Mu ntambara ya II y’isi: Ubwicanyi bwabereye muri Beisfjord muri Norvege, abarinzi 15 bafashije aba-Schutzstafel bo mu Budage kwica imfungwa za politiki 280 zimuwe zivanwe muri Yugoslavia.

1944: Mu ntambara ya kabiri y’isi: Hideki Tojo yeguye ku mwanya wa minisiteri w’intebe w’Ubuyapani nyuma y’imbaraga nyinshi yakoresheje muri ntambara.

1966: Icyogajuru cyiswe ‘Gemini 10’ cy’ikigo cy’ibyogajuru cya NAZA muri Amerika cyazamuwe kiva mu kigo cyitwaga Cape Kennedy, kimara mu isanzure amasaha 70.

1966: Ikibazo cy’ivanguramoko mu kabari muri Cleveland cyatumye Ohio yohereza abarinzi 1700 ngo bagarure umutekano muri aka gace.

1968: Ikigo cya INTEL gikora ibijyanye n’ikoranabuhanga cyashingiwe ahitwa Mountain View muri CALIFORNIA ho muri Leta Zunze Ubumwe z’Amerika.

1969: Umusenateri wo muri Amerika witwaga Ted Kennedy yakoze impanuka y’imodoka, ubwo yagwaga mu ruzi ruri ku kirwa cya Chappaquiddick muri Massachusetts, umushoferi we, ahasiga ubuzima.

1982: Abanya-Guatemala 268 barishwe, mu mugambi wo gutsemba witiriwe Sanchez.

1984: Ubwicanyi bwa McDonald muri San Ysidro muri California, ubwo mu nzu icuruza amafunguro, James Oliver Huberty yararashe, yiciramo abantu 21, abandi 19 barakomeretse. Na we ntiyarenze aho kuko yarashwe n’abapolisi.

1992: Ifoto ya mbere yashyizwe ku rubuga rwa murandasi ni iy’itsinda ry’abanyamuziki ryitwaga Les Horribles Cernettes, ryabayeho kuva mu 1990 kugeza mu 2012.

1994: Mu Rwanda, ingabo za RPA zafashe umugi wa Gisenyi mu rugamba rwo kubohora igihugu.

1994: Ikigo cy’umuryango w’Abayahudi muri Argentine cyateweho ibisasu mu murwa mukuru, Buenos Aires, abantu 85 biganjemo Abayahudi bahasiga ubuzima, abandi 300 barakomereka.

1995: Ikirunga cya Soufieres cyararutse bigera ku kirwa cya Montserrat. Cyasenye umugi bituma abaturage benshi bahunga.

1996: Umwuzure watewe n’umugezi wa Saguenary ni wo wangije byinshi mu mateka y’intara ya Quebec muri Canada. Uyu mwuzure wangije umutungo ubarirwa mu madolari ya Canada miliyari 1.5.

1996: Mu rugamba rwa Mullaitivu: Ingabo za Tamil Ealam zafashe ibirindiro by’igisirikare cya Sri Lanka, zica abasirikare basaga 1200.

2009: Inteko rusange y’Umuryango w’Abibumbye yemeje ko uyu ari umunsi mpuzamahanga wa Nelson Mandela, nk’umunyapolitiki waharaniye amahoro n’ukwishyira ukizana.

2012: Abantu basaga 7 baguye mu gitero cyaturikije bisi y’ubukerarugendo ya Israeli ku kibuga cy’indege cya Burgas muri Burgalia. Abandi 32 bakomerekeyemo.

2012: Ubwato bwarohamye hafi y’inkombe za Zanzibar, abantu 24 bahasiga ubuzima.

2013: Guverinoma ya Detroit muri Leta zunze Ubumwe z’Amerika yarimo umwenda w’amadolari miliyari 20. Ni wo mugi wa mbere wabayemo umwenda munini mu mateka y’Amerika.

2014: Igisirikare cya Isiraeli cyasabye izindi ngabo 18,000 ngo zijye muri operation muri Palestina. Iyi operation yari igamije gusenya inzira zo munsi y’ubutaka zajyaga muri Israeli, byavuzwe ko ari inzira z’imitwe y’iterabwoba.

2018:       Umuryango w’Ubumwe bw’Uburayi waciye ikigo cya ‘Google’ amadolari y’Amerika miliyari 5.1 ku bwo gutanga serivisi mbi ku bakiriya bayo.

2018:  Ikirunga cya Kilauea mu birwa bya Hawai cyararutse, gisenya ingo 700.

Ibyamamare byavutse ku itariki nk’iyi

1929: Adelaide Tambo, umugore wa Oliver Tambo, warwanyije ivangura ryakorerwaga muri Afurika y’Epfo yavutse ku itariki nk’iyi.

1934: Darlene Conley, umukinnyi wa filimi w’umunyamerika yavukiye muri Chicago.

1952: James Forbes watwaye umudari w’umuringa mu mikino ya basiketi muri olympique mu 1972 yavutse ku munsi nk’uyu.

1983: Umukinnyi w’umupira w’amaguru w’umunya-Uruguay, Carlos Diogo yavuze uyu munsi.

Abatabarutse:

1950: Christoph Schenier, umunyabugenge mu bijyanye n’isanzure w’Umudage yaratabarutse.

1992: Viktor Louis, umunyamakuru w’Umurusiya yaratabarutse.

2000:  José Ángel Valente, umusizi w’Umuespagnol yatabarutse afite imyaka 71.

Abatagatifu bibukwa

Hibukwa abatagatifu nka Emilian w’I Silistria muri Bulgaria, Hyacinth cyangwa Hyacinthus, Mutagatifu Yohana, Elizabeth, Barbara n’abandi.

Izindi wakunda

Bwiza.com