bwiza.com
Utuntu n'utundi

Pasiteri yarumwe umuhogo n’inzoka nini yari yiyemeje kwicira mu rugo rw’uwayisengaga

Pasiteri Barongo Joseph ubwo yahuruzwaga n’umwe mu bakirisito be ko hari inzoka yabonye, iba mu nzu kandi isengwa, yihutiye kujya kuyica, iba ariyo imuca umuhogo.

Pasiteri Joseph ahagarariye itorero God’s Power Church ryo mu gace ka Kisii gaherereye mu Majyepfo y’Uburengerazuba bwa Kenya, ngo akaba yarahurujwe n’umwe mu bayoboke be, wamubwiraga ko yaraye abonye dayimoni.

Ikinyamakuru Tuko cyo muri Kenya gitangaza ko umukobwa witwa Adelphine wabaga kwa mukuru we, muri aka gace ka Kisii ariwe wagiye guhuruza Pasiteri amubwira ko hari inzoka umuryango wabo usenga.

Iki kinyamakuru gitangaza ko iyi nzoka yari ifite icyumba cyayo kitapfa kwinjirwamo n’ubonetse wese. Anavugira imbere y’abandi bakirisito ko yari yaraye ayiboneye kandi ko ari nini cyane, inateye ubwoba.

Ubwo abakirisito bahingukaga muri urwo rugo, nyiri urugo yabasabye kumuvanira impagarara mu rugo, ubwo yabonaga bitangiye gusakuza, basakuza ngo yimakaje Dayimoni, ngo yahise asohoka mu rugo yiruka atabaza ngo ibiba ntazabibazwe.

Adelphine aganira n’ibitangazamakuru bitandukanye, yagize ati “Nagize amatsiko yo kureba ikiba mu cyumba, narafunguye mbona kibyagiye mu cyumba. cyasohokaga(Inzoka) nijoro amatara yose yazimijwe, buri munsi igaburirwa amagi n’inyama z’amatungo magufi, inkoko cyangwa se inkwavu zitetse, nabwiye pasiteri ko ihari ahita yiyemeza kuza kuyica yizeye imbaraga z’Imana, Pasiteri yahise apfa, ntabwo tuzi uko byagenze, yinjiye mu cyumba twumva ataka cyane nk’unizwe, yahise imwica”.

Yakomeje avuga ko abantu bose batinye kwinjira muri icyo cyumba kureba icyo pasiteri abaye, polisi ije ngo niyo yabomoye inzu ifite n’ibikoresho by’ubutabazi, isanga pasiteri aryamye hasi mu kiziba cy’amaraso ye, inzoka yamukase umuhogo.

Ati “Twagize ubwoba, ameze nk’uwakatishijwe icyuma, inzoka bayibuze na nyiri urugo yahunze, no mu mbavu hafi y’umutima ngo hameze nk’aharumwe nayo”.

Yakomeje avuga ko Polisi yahise ijyana umurambo wa Pasiteri Joseph ku bitaro byo muri aka gace (KisiiTeaching and Referral Hospital), mu gihe bamwe mu bakirisito be bajyanwe ku biro byayo gutanga amakuru barimo n’uyu Delphine, nyuma bararekurwa barataha.

Izindi wakunda

Bwiza.com
error: Alert: Ntabwo byemewe!!