bwiza.com
Amakuru Urukundo

Amabere yandiye ndimo kuganira n’umukunzi, nshinyirije akeka ko ndimo gukora imibonano mpuzabitsina

Nitwa Clarisse(ryahinduwe) ndi umunyeshuri mu mwaka wa mbere muri Kaminuza i Kigali, mfite umukunzi w’umusore, ni umucuruzi ariko mbona atanyizera.

Mu by’ukuri ikibazo mfite nifuza ko munangiraho inama, ni uko iyo ndimo kuganira na we bitewe n’uburyo mwiyumvamo, amabere yanjye arandya cyane, nkumva utuntu turimo kunkirigita cyane tuyirukamo.

Ubwo twaganiraga ari nijoro ndyamye, twatangiye nta kibazo, bigezemo hagati nibwo numvise bitangiye kuza, uko yanganirizaga nisanzwe ndimo gushinyiriza, nitsa n’imitima kuko numvaga ntatuje.

Yakomeje kumbaza ibyo ndimo, ngezaho ndamubwira nti ni amabere arimo kundya, nageze aho musaba ko twaba turekeyaho kuganira arabyanga, numva meze nabi n’ijwi ridasohoka neza.

Naje kugeraho ndamukupa, nyuma anyoherereza message ngo ngerageze mwitabe, naramwitabye musobanurira ikibazo mfite, arangije arambwira ngo si umwana, ngo mba ndyamanye n’abandi basore nkamufatiraho icyo yise furi, ngo yaba imvugo nakoreshaga n’ibyo yumvaga byose byamugaragarije ko nari ndi mu gikorwa nyirizina cy’imibonano.

Namubwiye ko ntasambana, kandi ko nubwo nabikora bitaba ari ngombwa kubimuratira, mbese yabigize intambara ngo uko nahumekaga n’imvugo zanjye byamugaragarije ko narindimo gukora imibonano mpuzabitsina ngo kandi bibaye kabiri, ni uko ngo yari yaranyihoreye.

Ubu nkore iki ngo yumve ukuri kwanjye, kandi mu by’ukuri ndamukunda pe! Ariko na none afite umutwe ufunze ku ruhande rumwe cyangwa se akaba atanyizera nk’umunyakuri.

Izindi wakunda

2 Ibitekerezo

kamana 19/07/2019 4:02 pm at 4:02 pm

Umubili w’umuntu ni ikishi. Umubili w’umuntu ni Umwanzi wa nyira wo.
Ubusanzwe ni ikizira ko umuhungu aganira n’umukobwa amagambo menshi kandi umwanya munini. Impamvu mu muco gakondo byari ikizira ko Imukobwa wo kwa kanaka yihugikana n’umusore bakaganira byo gukundana, n’uko Ababyeyi cg abavandimwe babaga bazi ingaruka zabiva mo.
Umusore uganira cyane n’umukobwa, bitindr bitebuke bashiduka batazi uko bahuriye mu buriri bumwe. Iyo batashakanye ni nde uhomba muri bo, s’umukobwa???
Umubili ni umubili…
Si wowe mukobwa wa mbere cg wanyuma uganira n’umusore akunda, bigatuma ibyiyumviro byo gusambana bimwinjira mo. Abakundana bose bibaba ho. Wumve neza ko ari bose. Ukunwira Ngo: Jye mba numva ahari ntari muzima, iyo nganira n’inshiti ya jye, nta nyitumviro by’umubili nifuza. Iyo ni indryarya mbi. Uwo mukundana kandi witumva mo, iyo muganiriye cyane uramwifuza n’ubwo ubimuhisha bwose.
Aha ni ho havira mo inda z’ibinyandaro izo musigaye mwita Ngo ni n’inda zitateganijwe.
Uyi musore wawe kuba yarakurakariye Ngo umuca inyuma, bigaragaza ko ataramenyera ingaruka z’urukundo. Uko umubili ugushyuhana kandi umukundi muganira ari kure. Ibyo ni ibya rusange.
Ng’iyi impamvu ABAROKORE babusa abagiye gushaka Kwikubana cg guhora bari kumwe. Kuko iyo Umwuka w’urukundo waje mo, umuntu wese acika amazi. Rero KU BANA B’IMANA BIRINDA, bo iyo afite uwo bateganya kurishinga, yirinda Kwikubana na we buri kanya Ngo badaha urwa ho ibishuko by’umubili. Abatitaye ku nama z’abashumba usanga basambanye. Kubera iki? Umuriro w’Urukundo gusa. Gukundana nta mushinga wo kubana ni Icyaha ubusanzwe. Kuko mwitana Cherie, chéri, chouchou…Nyamara nta kindi ibyo bibyara uretse guhembeera Ubusambanyi.
Reba nka we ubiguye mo ku maherere. Umusore arakwitakanye kandi ari we ubigutera kuribwa n’amabere uko uvuga…
Wowe niba uziko ufite umusore utagukoye uba umwizera mo iki, cyatuma ujya muri izo feelings zikanagukoza isoni imbere ye? Ntiyagukoye ntiyakurongoye. Ejo yaguta akisangira undi. Kuki wereka umuhungu utagushatse intege nke za we?
Niba ufite izo ntege nke mu gihe uganiriye n’umusore ukunda, ntukamwemerere kuganira byinshi bigera aho uhiigiza nk’uri mu buriri mu bikorwa byo mu bashakanye
Bakobwa mukina n’abasore mutatuzi. Nta bwo mutuzi ba nyabu…
Uwo musore byarangiye ntazakwizera. N’ubwo wamusobanurira ko ari we ubigutera bwose. Azatekereza ko n’undi musore mwaganira wese wamera utyo kuko abagutereta ntibazabura.
Igisubizo cya jye n’inama n’ibi:
Iga kumenya ko umubili wawe udakwiye kugutamaza. Ko wowe ufite agaciro kuwuruta. Bityo ujye wimunyamunya muko. Copinage yadutse mu rubyiruko, izabakorera agataro gacitse ba sha. Nimutareka Copinage mukiyubaha cyane mwe abakobwa. Mukinisha ijambo URUKUNDO, nyamara ni mwe bishira urwo rukenya rw’urukundo Rubahemuje ku karubanda.

Subiza
Mbwira 07/08/2019 11:12 pm at 11:12 pm

@ Kamana: uramubwiye peeee!! Abasigaye niyirwaneho whinge bitaramubana bibi

Subiza

Tanga Igitekerezo

Bwiza.com
error: Alert: Ntabwo byemewe!!