bwiza.com
Amakuru mashya Urukundo Utuntu n'utundi

Yahawe gatanya, ategekwa gusubiza inkwano n’amafaranga yakoreshejwe mu bukwe

Urukiko rwa Kadhi muri Kenya rwahaye gatanya umugore ariko rumutegeka gusubiza umugabo inkwano n’amafaranga yakoreshejwe mu bukwe bwe.

Uyu mugabo n’umugore bari bamaranye umwaka bashyingiwe. Umugore ntiyumvikana n’umugabo we ku myambarire umugabo avuga ko itandukanye n’amahame ya kiislamu. Amuziza kandi kuba atubahiriza amasengesho y’idini akorwa gatanu ku munsi.

Ibi byatumye umugore arambirwa, ahitamo kwitabaza urukiko ngo rumutandukanye n’umugabo. Urukiko rwabyemeye ariko rumutegeka ibi ngibi.

Uyu mugore yakowe inka ebyiri n’amashilingi ya Kenya 50,000, asaga ibihumbi 443 by’amafaranga y’u Rwanda.

Uru rukiko rwategetse ko izi nka agomba kuzisubiza mu gihe kitarenze iminsi 30, amafaranga akayishyura mu minsi 40, agatangira kubara ahereye ku  munsi urukiko rwanzuriye.

Yahawe irindi bwiriza ryo gutegereza ukwezi, hanyuma agafata umwanzuro wo gushaka undi mugabo. Itegeko rya Islamu rivuga ko umugore wapfushije cyangwa watandukanye n’umugabo, agomba gutegereza hagashira ukwezi agashaka undi.

Uyu muryango wari ufite umwana umwe. Umugabo we yategetswe kujya atanga amashilingi ya Kenya 1000 yo kurera umwana buri kwezi. Angana n’ay’u Rwanda 8,877.

 

 

Izindi wakunda

Bwiza.com
error: Alert: Ntabwo byemewe!!