bwiza.com
Amakuru Imikino

Bomboribombori hagati y’umutoza Zidane n’uhagarariye Gareth Bale

Rutahizamu wa Real Madrid na Wales, Gareth Bale, ntakiri mu bakinyi bashimwa n’umutoza  Zinedine Zidane bityo ngo akaba ari hafi kuyivamo.

Bale w’imyaka 30 ntiyashyizwe mu kibuga mu mukino wo kwitegurira amarushanwa ari imbere, aho Real yatsinzwe 3-1 na Bayern Munich muri Amerika.

Ubwo yagiraga icyo avuga umukino urangiye, Zidane yagize ati: “Turizera ko azogenda vuba. Byaba ari byiza kuri twese. Turimo kureba ko yabona ikipe nshya. Ntacyo mpfa na we ku buryo bwihariye, ariko hagera igihe ibintu bigakorwa nk’uko biba bikeneye gukorwa.”

Bale asigaje imyaka itatu mu masezerano yagiranye na Real, yatsindiye Champions League inshuro Enye kuva aho aguriwe miliyoni 85 £ avuye muri Tottenham mu 2013.

Biravugwa ko ashakishwa n’amakipe ya Manchester United na Spurs yo muri Premier League mu Bwongereza, Bayern yatwaye igikombe mu Budage hamwe n’ikipe zo mu Bushinwa.

Asubiza ku byavuzwe na Zidane, uhagarariye inyungu za Bale, Jonathan Barnett, yabwiye AFP ati: “Zidane ateye isoni, nta cyubahiro na kimwe aha umukinnyi wakoreye byinshi cyane ikipe ya Real Madrid.”

Izindi wakunda

Bwiza.com
error: Alert: Ntabwo byemewe!!