bwiza.com
Imikino

Kirasa watozaga Kiyovu Sports yamaze gusinyira Rayon Sports

Rayon sports yamaze gusinyisha uwari umutoza mukuru wa Kiyovu Sports Kirasa Alain nk’umutoza wungirije muri iyi kipe yambara ubururu n’umweru, akaba yasinye amasezerano y’umwaka umwe.

Ku gicamunsi cyo kuri uyu wa Kabiri tariki 23 Nyakanga 2019 nibwo Kirasa yashyize umukono ku masezerano y’umwaka azamara atoza iyi kipe nk’umutoza wungirije. Rayon Sports yasinyishije Kirasa mu gihe yari imaze iminsi iri mu biganiro n’abandi barimo Mateso Jean de Dieu wa AS Kigali.

Kirasa Alain ahawe aka kazi ko kuba umutoza wungirije asimbuye Wagner do Nascimento wari usanzwe atoza Rayon Sports yungirije Robertinho mu gutoza iyi kipe izakina CAF Champions League guhera mu kwezi gutaha.

Umutoza Kirasa Alain yatoje Heroes FC mbere y’uko ajya muri Kiyovu Sports nk’umwugiriza na Cassa Mbungo André wari umutoza mukuru mu mwaka w’imikino 2017/18.

Yamaze gushyira umukono kumasezerano y’umwaka umwe muri Rayon Sports

 

Izindi wakunda

Bwiza.com
error: Alert: Ntabwo byemewe!!