bwiza.com
Amakuru Ubuzima Utuntu n'utundi

Ubutaliyani: Ababaswe na telefone bagiye kujyanwa mu bigo ngororamuco

Ubutaliyani bufite gahunda yo kujyana mu bigo ngororamuco ingimbi n’abangavu barara mu matelefone kubera ko ngo bibagiraho ingaruka z’umunaniro n’izindi nkurikizi.

Byatangajwe na Minisitiri Vittoria Casa wavuze ko inteko ishinga amategeko yamaze gushyikiriza guverinoma iri tegeko.

Daily Mail ivuga ko impamvu iiri tegeko rigomba kubahirizwa ari ukugira ngo ingimbi n’abangavu batava muri telefone no mu masaha y’ijoro bazirinde indwara ya ‘nomophobia’ iterwa no gukoresho cyane telefone cyangwa mudasobwa.

Umuntu urwaye Nomophobia agira ubwoba bwo kufunga telefone cyangwa gutandukana n’uwo baganiraga, cyane biciye ku mbuga nkoranyambaga, yumva adatekanye iyo atabona telefone ye iruhande, ahora yatsa ikirahuri cya telefone kugira ngo arebe niba nta muntu umwoherereje ubutumwa, ndetse n’igihe agiye kuryama arayirarana.

Minisitiri Casa yavuze ko mu ngimbi n’abangavu 10 batunze telefone, 8 muri bo barara amajoro bohererezanya ubutumwa bimwe twita ‘chat’, bigatuma baba muri ubwo buzima butuma birirwa barushye cyane ku manywa, na byo bikagira ingaruka ku masomo no ku kazi.

Raporo yasohotse kandi ivuga ko 15 % by’urubyiruko rufite telefone, ruzikoresha nibura amasaha 10 ku munsi ruganiriraho. Abafite imyaka hagati ya 15 na 20 ngo bareba muri telefone inshuro nibura 75 ku munsi, cyane bareba niba nta muntu waboherereje ubutumwa, uko umuriro ungana, kureba isaha,amafoto, amashusho n’ibindi.

Ababyeyi na bo bazajya basobanurirwa ku bimenyetso by’iyi ndwara kugira ngo bajye bafasha abana babo gukoresha telefone mu buryo bukwiriye.

Mu bigo ngororamuco, bazajya bahabwa amasomo ajyanye n’ubuzima, bifashishije abahanga mu bumenyi bw’ububata (addiction) kugira ngo basobanurirwe ingaruka zabyo n’ukuntu babirwanya. Hari n’izindi gahunda nyinshi zizabategurirwa, zose zibafasha kuva muri ubu bubata.

 

 

 

Izindi wakunda

Bwiza.com
error: Alert: Ntabwo byemewe!!