bwiza.com
Amakuru Utuntu n'utundi

Umugabo yafatiwe mu mabandi yasahuraga kwa sebukwe na nyirabukwe arimo abahata ikiboko

Makonda Kbdul Kalim w’imyaka 34 y’amavuko yafashwe n’inzego z’umutekano ubwo yari ayoboye itsinda ry’amabandi ane yari yagabye igitero kwa sebukwe, nyuma yo gusabayo inguzanyo akayimwa.

Umuyobozi w’umujyi wa Mbeya uherereye mu Majyepfo ya Tanzania, David Mwashilindi, yatangarije itangazamakuru ko Makonda yari amaze ibyumweru bitatu ategura uyu mugambi mubisha wo kugaba igitero kwa sebukwe.

Ati “Inzego zatabaye zasanze yagize intere sebukwe na nyirabukwe, babazaga aho amafaranga abikwa, bari bambaye nka ninja,…”.

Yasobanuye ko byaturutse ku mujinya yatewe na sebukwe ngo yasabye ko yamuguriza amafaranga yise make ahwanye n’ibihumbi magana arindwi (700.000) by’amashilingi ya Tanzania, akayamwima kandi ngo kari akabazo kamukomereye yari agiye kuyakemuza.

yagize ati “Imbere ya Polisi yemeye ko ariwe wateguye uyu mugambi, agashaka insoresore zo kumufasha azizeza ko azi neza aho kwa sebukwe amamiliyoni bayabika. yabizezaga ko bahita bayageraho, ngo yanaberetse urufunguzo rw’icyumba abitsemo ababeshya ko  ari umugore we warwibyeyo, bafashwe ubwo bari bagaritse abo mu rugo bose barimo kubahata ikiboko ngo babereke aho babika amafaranga”.

Mu gihe benshi batunguwe n’aya mahano Abdul Kalim yakoze yo gutera kwa sebuke umugore we amusize mu buriri atanazi umugambi umugabo we yagiyemo, ubu we n’amabandi yari ayoboye bafungiye muri kasho ya polisi mu mujyi wa Mbeya.

Makonda Kbdul Kalim n’umugore we Odemba Flaviana bashakanye mu mwaka wa 2008, ngo bakaba bafitanye abana babiri b’abakobwa n’umuhungu umwe, aho kwa sebukwe bari bagabye igitero, ngo harifashije mu gihe Makonda we n’umugore we, babayeho mu buzima bucirirtse.

Izindi wakunda

Bwiza.com
error: Alert: Ntabwo byemewe!!