bwiza.com
Amakuru Utuntu n'utundi

Abajura baretse inka bahitamo kwiba amata yazo

Milking of a cow

Ubusanzwe twumva ngo abajura baje, batera urugo runaka biba amafaranga, ibikoresho by’agaciro, umutungo ndetse n’amatungo harimo n’inka ariko muri Kenya ho bari gutungurwa n’ukuntu aba bajura baza bagakama inka zabo, bagacyura amata gusa inka bazisize.

Ni abasambo bari basanzwe biba inka mu gace ka Kinangop muri Nyandarua. Abaturage batangiye  gutungurwa no kubyuka bagasanga inka zabo bazikamye mu masaha y’ijoro.

Aba baturage basanzwe babyuka mu gitondo kare kare nka saa kumi, bagakama inka zabo ariko aba bajura baza mbere y’uko umukamo utangira.

Umukecuru, Elizabeth w’imyaka 78 y’amavuko ari mu bakamiwe inka n’aba bajura. Avuga ko we na bagenzi be bandi batandatu bibajije ukuntu umukamo wagabanyutse mu masaha y’igitondo kandi ubusanzwe warikubaga hafi inshuro ebyiri ku mukamo wa nimugoroba.

Rahab Wambui we avuga ko nimugoroba akama litiro eshatu ku nka imwe, ubu akaba akama amata ari munsi ya litiro mu gitondo, kandi nibura umukamo wari kuba hagati ya litiro eshanu n’eshashatu.

Penninah Mugure we ngo ntiyumvaga uburyo inka ye yayikama litiro esheshatu ku mugoroba, yajya kuyikama mu gitondo akaburamo na litiro imwe kandi yari gukuramo nibura 10.

Hashize ibyumweru bibiri aba baturage batangiye kwibwa amata. Bahamagaye umuvuzi w’amatungo ngo abasobanurire iby’ubwo burwayi ariko biramuyobera.

Wambui yaje kumva umuntu hanze mu masaha y’ijoro, agiye kureba asanga ni umugabo uri kumukamira inka. Ngo hari mu ma saa cyenda z’ijoro, ahamagara abagize umuryango we bucece, bajya ahakamirwa inka, wa mujura yarababonye ariruka.

Izindi wakunda

Bwiza.com
error: Alert: Ntabwo byemewe!!