bwiza.com
Amakuru Utuntu n'utundi

Batawe muri yombi bazira kwivugana urusamagwe rwishe mugenzi wabo

Igipolisi cyo mu Buhinde cyataye muri yombi abaturage bakubise urusamagwe rukarinda rupfa. Aba baturage baruhoraga gukomeretsa mugenzi wabo bimuviramo urupfu.

Aya mashusho y’urusamagwe rwakubiswe yagaragaye ku mbuga nkoranyambaga. Abayobozi bavuze ko uru rusamagwe rwateye abantu icyenda, uyu wapfuye rwari rwamukomerekeje cyane.

Umubare w’inyamaswa zo mu ishyamba zigabiza ibiturage ugenda wiyongera muri iki gihugu, abahanga mu by’ubuzima bwo mu ishyamba bakavuga ko biterwa n’ubwatsi ndetse n’ibyo kurya bidahagije mu ishyamba bituma izi nyamaswa zihungira inzara mu biturage.

Uru rusamagwe rwateye aba bantu ruvuye muri pariki ya Pilibhit muri leta ya Uttar Pradesh. Abaturage babimenye bitabaje inkoni, ibyuma n’amacumu barwirukankaho. Barufashe, barutera ibyuma n’amacumu ndetse baranarukubita rugera aho rupfa.

Polisi yamaze guta muri yombi abantu bane, abandi bagera kuri 33 baracyashakishwa.

Imibare igaragaza ko mu 2018, abantu bagera kuri 30 bishwe n’ibisamagwe. Ubu ngubu muri iki gihugu, ibisamagwe bisaga 60 byarapfuye, ibindi byicwa n’abaturage.

 

Izindi wakunda

Bwiza.com
error: Alert: Ntabwo byemewe!!