bwiza.com
Ahabanza » Nyakariro-Kabuga: Bavuga ko iterambere ryabo rikomwa mu nkokora n’umuhanda mubi
Amakuru Ubukungu

Nyakariro-Kabuga: Bavuga ko iterambere ryabo rikomwa mu nkokora n’umuhanda mubi

Bamwe mu baturage b’Akarere ka Kicukiro na Rwamagana bakoresha umuhanda Masaka-Nyakariro uhuza utu turere, bahangayikishijwe n’iyangirika rikabije ry’uyu muhanda ku gice cy’Akarere ka Kicukiro.

Iyangirika ry’umuhanda rigaragara  ku gice cy’Akarere ka Kicukiro mu Murenge wa Masaka, aho usanga warajemo ibinogo, abawukoresha bavuga ko utaborohereza mu buhahirane kuko ibinyabiziga bitwaye imyaka birangirika.

Gusa, iki kibazo kiri kuruhande rw’akarere ka Kicukiro kuko urw’Akarere ka Rwamagana ho harakozwe.

Umwe yagize ati “Biratubangamiye cyane ugenda wica imodoka, hari n’igihe dutekereza kuzahimuka cyangwa tukavuga ngo ni ukutita ku baturage mbese abayobozi bacu byaratoyobeye natwe.”

Kantengwa Chantal, ati”Uyu muhanda uraduhangayikishije cyane kuko ni nyabagendwa uturukamo imyaka myinshi icya Kabuga twagerageje gusaba ko bawudukorera twarahebye,iyo imvura iguye ntitubona uko tujya mu isoko.”

Uwimana Eric ni umushoferi aragira ati”Dukunda gukura umucanga Bugesera n’amabuye usanga ubangamye cyane nk’aha urahabona harimo ibinogo byinshi usanga imodoka zacu zangirika  amarasoro noneho imvura iyo yaguye biba ari akarusho.”

Habimana Leodgard, umuturage wo muri Nyakaririro, ati “Iyo tugerageje kuvuga baravuga ngo ikibazo turakizi tuzagikemura imyaka ikaza, indi igahita”.

Ubuyobozi bw’Akarere ka Kicukiro bwaganiriye na RBA, buvuga ko amafaranga yo gusana uyu muhanda yagombaka kuva muri Mnisiteri y’Ibikorwaremezo ariko haboneka ayo kubaka igice cy’Akarere ka Rwamagana gusa, bakaba na bo barijejwe ko mu ngengo y’imari y’uyu mwaka bazakora ibishoboka byose kugira ngo uyu muhanda ukorwe byoroshye ubuhahirane hagati y’aba baturage barema isoko rya kabuga.

Dr Nyirahabimana Jeanne, Umuyobozi w’aka karere yagize ati “Mu by’ukuri kutawukora ntabwo ari ubushake buke, ahubwo ni uko hari indi mihanda yakorwaga, iyo akarere gafite muri gahunda  yako gukora igikorwa iki ni iki barabikora bitewe n’ingengo y’imari yabo, tuzareba uburyo wakorwa mu buryo bworoheje ukaba nyabagendwa nyuma tugashaka ubushobozi bwo kuwukora.”

Izindi wakunda

Bwiza.com