bwiza.com
Amakuru Imyidagaduro

Uwakoranye indirimbo na Urban Boyz arembeye mu bitaro

Umuhanzikazi w’Umunyayuganda, Jackie Chandiru wafatanyije indirimbo na Urban Boyz yitwa arembeye mu bitaro bimwe byo muri Kampala.

Amakuru ava mu bantu be ba hafi, bavuga ko uyu mukobwa wakoranye na Urban Boyz (iyari igizwe na batatu) yitwa ‘Take it off’ yakunzwe na benshi yageze mu bitaro umubiri wose wabaye ibisebe kandi yambaye imyenda isa n’inkweto bisa nabi.

Ikinyamakuru Bigeye kivuga ko uyu mukobwa wagacishijeho amaze icyumweru mu bitaro.

Umwe mu bafite umuvandimwe ukorera mu bitaro, Jackie  Chandiru arwriyemo, yagize ati “ Umuvandimwe wanjye ukora mu bitaro yambwiye ko ubuzima bwa Jackie buri aharindimuka. Umubiri we wose wuzuye ibisebe, ntibizwi neza indwara yaba arwaye kuri iyi nshuro.”

Abo mu muryango we nk’uko iyi nkuru ivuga, bari baramubuze gusa ngo bakekaga ko ari muri bene wabo gusa ngo baje kumubona yageze mu bitaro.

Ibi bibaye nyuma y’aho uyu muhanzi atangarije ku mugaragaro ko yakiriye Yesu nk’umukiza we. Ni nyuma y’aho uyu mukobwa yari amaze iminsi itari mike ari mu nzu zifasha ababaswe n’ibiyobyabwenge.

 

 

Izindi wakunda

Bwiza.com
error: Alert: Ntabwo byemewe!!