bwiza.com
Ahabanza » Abayisilamu bo muri Congo bahawe akato, ntibemerewe gukandagiza ikirenge i Mecca
Amakuru Iyobokamana

Abayisilamu bo muri Congo bahawe akato, ntibemerewe gukandagiza ikirenge i Mecca

Arabia Saudite yatangaje ko itazaha impushya zo kwinjira muri iki gihugu ku baturuka muri Republika ya Demokarasi ya Congo bajya mu mutambagiro mutagatifu bitewe n’indwara ya Ebola ihavugwa.

Itangazo ryaturutse muri Minisiteri y’Ububanyi n’amahanga ya  Arabia Saudite, rimenyesha ko umwanzuro wo kutemerera abanya Congo kujya i Mecca, waturutse ku cyemezo giheruka gufatwa n’ishami rya ONU rishinzwe ubuzima ku Isi (OMS), ko ikiza cya Ebola cyahadutse ari ikibazo giteye amakenga ku Isi yose.

Iyi Minisiteri yagize iti “Gutanga impushya zo kwinjira bita visas, ku banye Congo byahagaritswe, ku bw’impamvu yo kurinda abandi bari mu rugendo rutagatifu”.

Arabia Saudite yari yatangaje ko abantu bagera kuri 410 baturuka muri Congo bashobora kujya mu rugendo rutagatifu. BBC itangaza ko ubuyobozi bwa Isilamu muri Congo bwari bwayitangarije ko hari abantu bamaze igihe bitegura, akenshi bashobora kumara n’imyaka 10, kugira ngo bashobore kwegeranya amadolari 4,250 abashoboza gukora urwo rugendo rutagatifu.

Izindi wakunda

Bwiza.com