bwiza.com
Ijambo ry'Imana Nibintije Evangelical Ministries International (NEMI)

MENYA BYINSHI KU NSHUTI YANJYE -Rev. Nibintije

Yohani 16:13

 

“Uwo Mwuka w’ ukuri naza azabayobora mu ukuri kose kuko atazavuga ku bwe, ahubwo ibyo azumva ni byo azavuga, kandi azababwira ibyenda kubaho.”

Umwuka wera: Inshuti yanjye ya hafi kandi ingirira umumaro kuri buri kintu cyose mpuye nacyo.

 

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

 

Ninde nshuti yawe cyangwa Ninde ukugira inama mu gihe uyi keneye?

Nibyo twese tugira inshuti, ariko zose ntabwo ziba ziri ku urugero rumwe.

Zimwe ziba inshuti magara, izindi zikaba inshuti zisanzwe. Muri iyi minsi nari mfite inshuti nahisemo, kugira ngo ijye ifasha kumpa inama mu ibibazo bimwe na bimwe bijyane n’ umurimo mfite, iyo nshuti navuga ko nayi gize umujyanama wanjye, ariko usanga igihe mukeneye kugira ngo abe yangira inama, ugasanga atabonekera igihe mba mukeneye, kubera ubuzima buba bugoye muri ibi bihe, Kandi koko birumvikana.

Uyu munsi ndagira ngo nguhe ubuhamya bw’ iyi nshuti yanjye mfite irusha izindi nshuti zanjye kuba hamwe nanjye.

Iyo nshuti yitwa “UMWUKA WERA “

Ntabwo nshaka kuvuga ko inshuti zanjye zambaye umubiri nkanjye atari nziza cyangwa se zitafasha ukurikije uko Imbaraga zabo zingana, ubushobozi n’ ubumenyi byabo uko bingana, ariko hari ibyo badashobora kumfasha.Ntabwo bashobora kugumana nanjye igihe cyose. Kubera ko nabo baba bafite ibintu byinshi byabo byo gukora.

Hari umwe wigeze kumpamagara arabwira ati “ Bro. Wihangane kuva muri uku kwezi kuzageza mu ukundi kwezi nkuku umwaka utaha ntabwo nza kubonera umwanya, Uzabyihanganire kuko hari ibyo ngiye gukurikirana bijyana future yanjye.

Muvandimwe,

Nyemera nkubwire iby’ iyi nshuti yanjye magara yitwa “Umwuka wera” igihe cyose aba ari mu uruhande rwanjye amasaha 24/24 mu iminsi 7.

Umva uko Imana ivuga “ Ntabwo nzagusiga wenyine ( abaheburayo 13:5). kubera iki? Kuko yasize umwuka wayo muri twe, nk’ umujyanama, umuyobozi kandi utuyobora mu ubushake bw’ Imana, umujyanama utagira iherezo ry’ ubumenyi n’ubwenge ndetse no kumva ibyo abantu bayikeneyeho.

Igendana nanjye igihe cyose kandi ahantu hose, ubutabazi bwawo cyangwa ubufasha bwawo buhoraho igihe cyose uwukeneye. Umwuka wera afite amaso n’ amatwi.Wumva ibyo Satani ashaka kugukorera ndetse ikanabibona. Wumva amaganya yawe yo mu mutima kandi ikabona uburyo ushaka kwirwanaho.

Ubona imitego yose Satani ashaka gukoresha kugira ngo akubabaze cyangwa aguheze muri ibyo bibazo. Kandi yumva ibigambo bakuvugaho n’ imigambi mibi yose baba bagufitiye, kandi ikamenya inzira nziza wanyuramo kugira ngo ubashe kuca mu cyanzu aho kugwa mu cyobo wacukuriwe

Uba iri mu mwanya w’ Imana mu uguhagarara muri uwo murimo wo ku kuyobora, ku kugira inama ndetse no ku guhishurira ibyenda kukubaho ndetse no ku kwereka inzira yanyuramo. Muri uko kukwereka inzira unyuramo ntabwo akureka ngo ugende wenyine ahubwo agufata ukuboko ukajya ugutunganyiriza ikirenge cyawe aho ukuye icyawo.

Inkuru nkuzaniye ni uko uwo mukunzi wanjye yifuza kuba umukunzi wawe, ni uko yifuza gukomeza kuba umukunzi wawe, ukajya umutegera amatwi ibyo akubwiye. Afite ibisubizo by’ Ibibazo byawe, kandi ibyo bisubizo ikabiguha nkuko impa ubyanjye mu inzira imwe kandi yihuse.

Iyo ngize icyo nkeneye cyangwa kimbabaje ntabwo ntinya kubihamagara kandi ikanyumva. Igihe cyose ajya amfasha ku babarira abantu batanyifuriza ibyiza, abantu bampemukiye. Mbona inyungu nyinshi kuri iyi nshuti yanjye nziza nu ukuri inshuti nziza, ni……..( Holy Spirit’s awesome wisdom “). Nkuze kuvuga ko nsenga Imana buri munsi kugira ngo impe byibura 250 Partners buri kwezi ariko iyi nshuti yanjye yo ni Partner wanjye kuri buri ikintu cyose ndetse niwe uri kunyobora kano kanya ku kubwira ibijyane nawe.

 

Iyo nkoze ntekerehe ibitajyanye n’ ubushake bw’ Imana inyicaza ahantu hamwe ikangira inama yo gusaba Imana yanjye imbababazi kandi ikanangira inama yo kutazongera. Muri uko gusaba Imana imbababazi ntabwo andeka ngo mbikore njyenyine ahubwo amfasha gusenge kugira ngo mbwire Imana yanjye ibyumvikana imbere yayo bityo mbashe kubona uburenganzira bwo kwitwa umwana wayo n’ umukozi wayo.

Ni mwarimu mwiza, anyigisha uburyo ngomba kwitwara ndetse no kwigira ku ibintu ngenda mbura nabyo muri ubu buzima. Umunsi mwe yigenze kumbwira ko niba ntigiye mu ibibazo ngenda mpura nabyo ntahandi nshobora kuzabyigira. Arongera arabwira ati” Mwarimu wa mbere ni njye, Uwakabiri Ni ibibazo ugenda uhura nabyo abandi bose ni fotokopi yacu..

Reka ndagize nkubwira ko nta kintu nshobora kugeraho ntafashijwe n’ umwuka wera kandi nawe bishobora kuba nkuko ndetse no kuri buri mukristo wese.

 

“Uyu munsi gira Umwuka wera inshuti yawe yahafi n’ umujyanama wawe agufashe guhindura ubuzima bwawe.”

Imana iguhe Umugisha…!

Nibintije Evangelical Ministries International (NEMI)

estachenib@yahoo.com

+14123265034(WhatsApp)

Izindi wakunda

Bwiza.com
error: Alert: Ntabwo byemewe!!