bwiza.com
Amakuru Utuntu n'utundi

Abana b’abanyeshuri bateye station ya polisi mu Budage bashaka kubohoza mugenzi wabo

Abana b’abanyeshuri bagera mu 100 bagabye igitero kuri station ya polisi mu gihugu cy’u Budage bagiye kubohoza mugenzi wabo wari watawe muri yombi ubwo bari mu kirori cyo ku ishuri.

Biravugwa ko abana b’ingimbi nk’ijana bagose station ya polisi yo mu Mujyi wa Starnberg, bamwe batera amacupa, abandi bamena amadirishya, ndetse bagerageza no kumena umuryango w’imbere winjira muri station ya polisi.

Igipolisi kikaba kivuga ko mbere y’ibi umwana w’imyaka 15 yari yatawe muri yombi ajyanwa muri kasho nyuma y’aho umusekirite wari ushinzwe umutekano mu munsi mukuru wo gusoza amashuri yisumbuye ahamagaye abayobozi nyuma yo kumva uwo mwana asaba ibiyobyabwenge agtangira kwanduranya.

Raporo ya polisi ivuga ko uwo mwana yari yasinze, akanduranya agatuka n’abapolisi. Nyuma yo kwanga inshuro nyinshi kuva muri uwo munsi mukuru nibwo ngo polisi yagiye kumufunga.

Nyuma y’akanya gato uwo mwana afunzwe, hahise haduka imyigaragambyo ikomeye imbere ya station ya polisi.

Abana bigaragambyaga bagerageje kumena umuryango w’imbere winjira muri station ya polisi birabananira, barangije bacagagura igitambaro kiriho ikimenyetso cya polisi cyari ku irembo.

Ibiro Ntaramakuru by’u Budage, DPA, biravuga ko abapolisi baturuka ku zindi station za polisi zegereye iyi bahamagawe ngo baturishe izi ngimbi, babiri muri zo nabo barafungwa gato.

Uwo mwana w’imyaka 15 wari wafashwe mbere nyuma yaje gutaka umutwe bamujyana kwa muganga.

Ibinyujije kuri twitter, iyi station ya polisi ikaba yarashimiye abanyeshuri basoje amasomo yabo bativanze muri iyi myigaragambyo ibifuriza kuzagira ibiruhuko byiza.

 

Izindi wakunda

Bwiza.com
error: Alert: Ntabwo byemewe!!