bwiza.com
Ahabanza » Ushobora kuba uri kwigishwa n’Imana -Rev. Nibintije
Ijambo ry'Imana Nibintije Evangelical Ministries International (NEMI)

Ushobora kuba uri kwigishwa n’Imana -Rev. Nibintije

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Mu myaka 6 ishize nigeze kugira ikibazo kijyanye n’ amafranga bitewe n’ uko nabaga ku ishuri, bityo bigatuma ntashobora gukora nk’ abandi.

Birumvikana ko no muri iki gihe utubazo tutagombaga kubura. Hamwe no gusenga Imana nagiye kubona umugabo twari tumaze igihe tutabonana ageze iwanjye. Angezaho inkuru ya kampuni akorera ko yifuza uyi hagararira nkuko ayihagarariye muri Leta ya New York yari atuyemo kandi ko ishaka uyihagararira muri iyi Leta ntuyemo.

Abwira uko yabonye ko ibyo bifuza ku umuntu ugomba kubahagararira nanjye byujuje. Yongeraho ko nindamuka nemeye duhita tugirana amasezerano mu uburyo bwa online akazi kagahita gatangira ako kanya. Ubwo byabaye nku worosora umuntu ushaka kubyuka, amasezerano twahise tuyakora ntaranamuha n’ amazi yo kunywa

Ubwo nawe urabyumva , ariwe yashaka kurangiza mission yaba shebuja be bari bamuhaye, nanjye agatima kanjye kari k’ umugisha nari ntegereje muri ibyo bibazo nari mfite. Ubwo twavuganye nabanyiri kampuni kuri Telephone amasezerano tuyarangiriza kuri phone, ubwo tuba tugiranye contract yi $8000 buri kwezi.

Aho nkaba nari mfite inshingano yo gutanga akazi ndetse no gutanga report y’ amafaranga bahomba guhembwa buri ibyumweru bibiri.

Ntabwo nshaka kuguha ubuhamya ahubwo uyu mwanya ndashaka ku kugezaho inkuru yuko muri ibyo bibazo bikuzungurutse, Yesu ari umuhanga wo kuba yabikoresha nabwo kugira ngo uzagire umumaro mu minsi iri mbere mu kwagura ubwami bwayo.

Nkimara gutangira ako kazi byansabaga kugenzura buri munsi abo bakozi nakoreshaga kuko ako kazi kari akazi ka (maintenance ya building) abakoze bagomba kumenya gusoma imiti bagombaga gukoresha kandi, mu bakozi nakoreshaga birumvikana ko nahaga akazi bene wacu bagifite ikibazo cy’ ururimi kuko byabaga bigoye kuba bahita babona akazi bakigera aha mu urwego rwo kubafasha.

Bikaba rero bitari biboroheye gusoma icyongereza. Mu ukwezi kumwe dutangiye imirimo naje kubona ko badakoresha imiti aho yari kwiriye gukoreshwa, kuburyo abampaye akazi nabo baje kubibona. Ubwo bansaba kuba nabirukana nkakoresha abazi icyongereza cyangwa abantu bahano.

Icyo nakoze ni uko nabasabye ko abo bantu ngiye kuba training yabyo gusa nibatabishobora niho nshobora kuza birukaza. Training narayitangiye nyuma y’ amezi 3 bose niko bari bamaze gusobanukirwa iyo miti amazina yayo ndetse naho igomba gukoreshwa.

Nshuti y’ Imana, Imana ikoresha ibibazo turimo nk’ uburyo bwo ku twigisha kugira ngo dukomeze gukorana nayo cyangwa kudukoresha. Iyo ukurikiranye ubuzima bwaranze Intumwa Petero byabonekaga ko nta experiences yari afite kuko igihe kinini yakoraga za mistakes zigiye zitandukanye, nguwo agize ukwizera ku ibibazo hashira akanya akabivangavanga akava muri uko kwizera,

Nguwo atangiye kugendera hejuru y’ amazi yatera intambwe zibiri akongera akibagirwa imbaraga za Yesu. Nguwo yemeye ubuhanuzi bwa Yesu ubwo yavugaga ibyo kubambwa kwe n’ izuka rye, ati “ no mu urupfu zuzajyana, mu mwanya ati” uwo mugabo ntabwo muzi”

Nguwo nabwo yibagiwe ko Yesu afite byose, ikibazo cyo kwishyura amafaranga y’ imisoro kiramuhangayikishije cyane kuko yumvaga atizeye ko Yesu ashobora kwishyura uwo musoro. Ni byinshi…..Ariko muri ibyo bibazo Yesu yigishije Petero uwo ari we , amasezerano ye n’ ibindi bimwerekeyeho.

Muri iyo training y’ ibibazo bya Petero byatumye yiga uburyo agomba gufasha Itorero rya mbere. Uyu munsi ndagira ngo nkubwire ko ibyo bibazo biri kuguca intege, ibyo uri kurwana nabyo, ibyo byakunaniye kugeraho kandi byari bikenewe muri ubwo buzima bwawe, ibuka ko Yesu ashobora kuba yabikoresha kugira ngoatwigishe ,aduhe training bityo bitume abikoresha kugira ngo atuyobore mu umurimo we.

Kurikirana training neza, maze ubone uko uyisohokemo uri umukozi w’ umuhanga uvuga imbaraga za yesu uko zingana.

Imana iguhe umugisha …..!

Nibintije Evangelical Ministries International (NEMI)

estachenib@yahoo.com

+14123266034(WhatsApp)

Izindi wakunda

1 Igitekerezo

Christian 29/07/2019 4:11 pm at 4:11 pm

Urakoze mukozi w’Imana,Imana ikongerere amavuta .

Subiza

Tanga Igitekerezo

Bwiza.com