bwiza.com
Ahabanza » Ambasaderi washinjwe kuvuga nabi Perezida Kagame yasimbujwe
Amakuru mashya

Ambasaderi washinjwe kuvuga nabi Perezida Kagame yasimbujwe

Inama y’Abaminisitiri yateranye kuri uyu wa Mbere yemeje Dr. Thomas Kurz kuba Ambasaderi mushya w’Ubudage mu Rwanda, asimbuye Dr Peter Woeste wirukanwe ashinjwa kuvuga nabi Perezida Kagame ndetse n’igihugu.

Mu kiganiro Umunyamabanga wa Leta Muri Minisiteri y’Ububanyi n’Amahanga Ushinzwe Umuryango wa Afurika y’Iburasirazuba, Amb. Olivier Nduhungirehe yagiranye n’Ibiro Ntaramakuru by’Abadage (DPA) yavuze ko Woeste yavuze nabi Perezida Kagame ndetse n’u Rwanda.

Ikinyamakuru Walt.de ctangaje ko ubu butumwa bwatanzwe mu buryo bwa imeli (e-mail).

Bimwe mu binyamakuru byo mu Rwanda byatangaje ko ari ubutumwa Amb. Woeste yashyize mu nyandiko yoherereje umuryango uhuriza hamwe Abadage baba mu Rwanda.

Ntiyavuze uburyo ubu butumwa bwabonwe n’u Rwanda gusa yasobanuye ko Ubudage ari bwo bwatumijeho Dr Peter Woeste nyuma y’aho u Rwanda ruvuze iby’iki kibazo.

Kuri ubu, Dr Kurz w’imyaka 52 azahagararira igihugu cye afite icyicaro i Kigali.

Inkuru bifitanye isano: https://bwiza.com/2019/04/10/nduhungirehe-avuga-ko-amb-wubudage-mu-rwanda-yavuze-nabi-perezida-kagame/

Muri Mata uyu mwaka nibwo u Rwanda rwasabye igihugu cy’u Budage guhindura ambasaderi bwari bufite mu Rwanda Dr Peter Woeste nyuma y’imyaka isaga ibiri yari amaze mu Rwanda.

 

 

 

Izindi wakunda

Bwiza.com