bwiza.com
Imyidagaduro

Biravugwa ko Harmonize agiye gutandukana na Diamond Platnumz

Hari amakuru akomeje gucicikana avuga ko umuhanzi Harmonize yaba agiye gutandukana n’inzu ya Diamond Platnumz itunganya umuziki yitwa WCB.

Abavuga ibi babishingira ku kuba uyu muhanzi ngo muri iki gihe agaragara nk’uwiranze bagenzi be ndetse adasize na bosi we, Diamond.

Mu kiganiro na Wasafi FM, Manaja wa Diamond, Babu Tale yavuze ko ibi nta gitangaza kirimo kuko mu masezerano bagiranye na Harmonize hatarimo kumubuza kuba yava muri Wasafi.

Ati “(…) Amassezerano ya Wasafi ntabuza umuhanzi kuba yagenda.”

Ku ngingo y’abagereranya Harmonize na Diamond, Babu Tale yagize ati “  Harmonize yahangana ate na Diamond mu gihe ibyo akoze byose bibanza guca kwa Diamond. Mba nibaza niba na Harmonize yaba atekereza nkanjye. Iyo babagereranya biranshimisha.”

Ababikurikiranira hafi bavuga ko Harmonize atacyitabira ibikorwa byinshi bya Wasafi nk’uko byari bisanzwe.

Ibyamamare nka Wema Sepetu wabaye Nyampinga wa Tanzania mu 2006 kuri iyi ngingo yagize bati “ Harmonize ari hejuru ya Diamond. Sinavuga ngo ni ku ruhe rugero ariko aramurenze. Iyo nitegereje uko akora cyane mbona ko ageze kure.”

Harmonize yakunze kenshi kwamaganira kure abavugaga ko ari ku rwego rwo hejuru ugereranyije na Diamond.

Izindi wakunda

Bwiza.com
error: Alert: Ntabwo byemewe!!