bwiza.com
Ahabanza » Izere ko isaha yawe iri mu ukuboko kw’ Imana- Rev. Nibintije
Ijambo ry'Imana Nibintije Evangelical Ministries International (NEMI)

Izere ko isaha yawe iri mu ukuboko kw’ Imana- Rev. Nibintije

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Zaburi 31:15

“ Ubuzima bwanjye buri mu maboko yawe. Nkiza unkure mu maboko y’ abanzi banjye n’ abankurikirana.”

Ikintu nize mu ubuzima bwanjye ni uko Imana itajya ikorera ku isaha y’ umwana w’ Umuntu. Usibye ko hari igihe kimwe ibihuza ariko atari buri gihe. Iyo usomye neza ijambo ry’ Imana , hari igihe ubona ko Imana isa ni isinziriye ariko nyuma gato, ukaza kubona ihinduye ibintu byari bikuzungurutse.

Ijambo ry’ Imana rivuga ko Imana yacu ari Imana y’ ejo hashize, ari Imana y’ uyu munsi, Imana y’ ejo ndetse ikaba Imana y’ igihe cyose. Bisobanura ko, uko yansubije ejo hashize ni uko iza kugusubiza uyu munsi kandi nawe ikazamusubiza ejo. Muvandimwe wanjye,

Ushobora kuba uri mu ibibazo, uyu mwanya, ariko reka nguteremo ubutwari kuko isaha yawe cyangwa igihe cyawe cyo gusubizwa kiri mu ibiganza by’ Imana. Tumenye ko kuba uyu munsi tutasubijwe hari iyi indi mpamvu kandi ifite akamaro kanini kuri twe. Kuba utarasubizwa niko Imana iri gutunganya inzira ugomba kunyuramo kugira ngo ikugeze mu nzozi zawe (your dream).

Imana ntabwo ishaka kugusubiza gusa, cyangwa igukure mu ibyo bibazo gusa ahubwo irashaka kubigukuramo ihita ikwinjiza mu mu nzozi zawe. Ndifuza ko iyi nkuru yagera ku indiba y’ umutima wawe kandi ugakomeza guhagarara ushikamye mu kuvuga ijambo ryayo kubwo ahazaza hawe.

Gira ibyiringiro, gira ukwizera kuko Imana iri mu uruhande rwawe, iri gukora ikintu cyiza cyijyanye n’ ubuzima bwawe. Komeza kugira ukwizera kuko isaha yawe iri mu biganza by’ Imana.Kandi ko intego yayo ariyo kuyobora ubuzima bwawe mu ntsinzi igufitiye.

 

Imana iguhe umugisha….!

Nibintije Evangelical Ministries International (NEMI)

estachenib@yahoo.com

+14123265033(WhatsApp)

Izindi wakunda

Bwiza.com