bwiza.com
Amakuru Utuntu n'utundi

Maze Kabiri ndara hasi, uburiri umugore wanjye yabujyanye mu rusengero- Nkore iki?

Mu cyumweru gishize nari Ku isafari, ku Cyumweru ntashye nsanga nta buriri buri mu cyumba cyacu, kubera ko madamu yari yagiye gusenga byabaye ngombwa ko nkoresha imbaraga zishoboka ngo tuvugane.

Ku bw’amahirwe nabonye umuntu umpa nimero y’abo bari bajyanye gusanga dore ko tefefoni ye itari iriho, namubwiye ko batwibye, na we ahita aza vuba asanga ndi mu rugo ariko mpangayitse cyane.

Burya ubuzima bwa Kigali ni ukwitonda, nirinze guhita ngira uwo ntabaza mu baturanyi kuko burya hari igihe banakumvira ubusa. Ubwo yari amaze kuhagera twinjiye mu cyumba ndamwereka nti do, muri salo naho nabonaga naho hatameze neza naho ndamwereka nti no muri salo ndabona ahari hari ibyo bibye.

Yabifashe nk’ibyoroshye, ambwira ko uburiri twararagaho bwari burimo amadayimoni, ko baburoze, ngo mu gihe cyose tukiburyamamo ngo inyatsi ituriho izakomeza ituzonge.

Kubera ko twacuruzaga tukaza guhomba butiki yose igashira n’ibindi wenda twagiye duhomba, ngo yahanuriwe ko uburiri bwacu bwarozwe kera, bityo yabujyanyeyo ngo bamare icyumweru cyose babusengera, ngo nibinaba ngombwa bazabutwika.

Rwose uretse kumureba nkumirwa nabuze icyo nkora, naramubajije nti ‘nonese igitanda, Matela n’ibyo kwiyorosa byose birimo ayo madayimoni? mbese ibintu yanambwiraga uretse kwihangana numvaga nanamukubita ariko ndamureka rwose ngo hato atazavuga ngo namubujije imigisha.

Ngaho mungire inama, ndavuga akazamuka ngo ngamije kwimika amadayimoni mu nzu, mbese ubu ntaho mfite ho kuryama, gusa icyo cyumweru nigishira ntegereje ko azongera akabyikoreza bakabigarura, gusa icyo nabonye cyo ni uko ubuhanuzi buri mu rusengero asengeramo bushobora kudusenyera.

Izindi wakunda

1 Igitekerezo

bebe betty 30/07/2019 3:54 pm at 3:54 pm

urwo rusengero nutarumukuramo barabatandukanyije karabaye,kubera ubupfapfa bwumugore wawe.ihangane nyine uzaze nkwereke aho bagusengera kuko ndumva ahubwo bagirango mutandukane bamujyane

Subiza

Tanga Igitekerezo

Bwiza.com
error: Alert: Ntabwo byemewe!!