bwiza.com
Ahabanza » Hinjirwa n’ umuntu ufite ibintu bitatu mu maboko ye- Rev. Nibintije
Iyobokamana Nibintije Evangelical Ministries International (NEMI)

Hinjirwa n’ umuntu ufite ibintu bitatu mu maboko ye- Rev. Nibintije

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Zaburi 100:4

“ Muze mu marembo ye mushima, muze mu bikari bye mu musingiza, Mu mushimire musingize izina rye.”

Mbega ibintu byiza byo kwinjira imbere y’ Imana?

Umunsi umwe Yesu yigeze kujyana na Petero, Yohani…k’ umusozi maze binjira imbere y’ ubwiza bw’ Imana. Icya kurikiyeho ni uko ibitekerezo byabo byahise bibakorera indi karita igomba kuyobora ubuzima bwabo. Gahunda zabo benedata bari bajyanye na Yesu, zahise zihinduka, abari bafite abagore bahise babibagirwa, Yohani wari ukiri umujeune yibagiwe abajene bagenzi be , yibagirwa ababyeyi be.

Abari bafite ubutunzi muri uwo mwanya nt’agaciro bwari bugifite imbere yabo. Ahubwo bahise basaba Yesu ko bagondagonda utuzu tw’ ibyatsi ariko bakigumira imbere ya presence y’ Imana. Uyu munsi nkaba nkuzaniye igaburo rya ni mugoroba ridakonje ahubwo ishyushe. Ndagusaba kurifata ubanze witonde kandi ugire indero nziza ku meza. Ijambo ry’ Imana rivuga ko dushobora kujya imbere y’ Imana ku bw’imbabazi zayo tukabasha kwakira ubuntu bwayo.

Kubera ko Imana idukunda niyo mpamvu yaduhaye uwo mugisha utagabanyije wo kuba turi kumwe amasaha 24/24, mu iminsi 7 y’ icyumweru, mu iminsi 365 y’ umwaka. Ariko icyitonderwa ni uko Ijambo ry’ Imana uyu munsi ritubwira ko utagomba kujya imbere y’ Imana yawe ucyigendera mu inzira za kera. Ntushobora kujya imbere y’ Umwami w’ abami n’ amaboko masa. None n’ iki ugomba kujyana imbere yayo? Ni ubuhe butunzi usabwa kujyana imbere y’ Imana ikomeye kandi yaremye ijuru n’ isi ndetse n’ ibirimo byose.

 

Ntakindi usibye, kuyihimbaza, kuyiha icyubahiro ndetse no kuyishima dushobora kwinjira mu muryango utugeza imbere y’ Imana tujyanye ituro rivuye ku umutima ryo kuyiramya. Guhimbaza, ntabwo ari ukuririmba gusa mu materaniro ( Sunday service). Guhimbaza ni ikintu cyerekana ko Imana ari iyo kwizerwa, uko iri, kandi no kubyo yarangije kugukorera mu ibihe byashize.

Guhimbaza ni igikoresho gikomeye gihindura ubuzima bwacu.

Iyo winjiye imbere y’ Imana, automatiquement nayo ihita yinjira mu ibibazo byawe. Mu igihe Imana yivanze muri ibyo bibazo byawe ni ngombwa bidasubirwaho ko umwanzi ahita ayabangira ingata. Uyu munsi injira imbere y ‘ Imana n’ amashimwe menshi kandi unafungure umuryango w’ umutima wawe kugira ngo Imana yawe nayo yinjire mu ibice byose bigize umutima wawe.

Imana iguhe umugisha…!

Nibintije Evangelical Ministries International (NEMI)

estachenib@yahoo.com

+14123265034(WhatsApp)

Izindi wakunda

Bwiza.com