bwiza.com
Amakuru Ubukungu

RCA yasohoye abanyamakuru mu nama n’abayijemo basohoka urusorongo

Ibibazo bimaze imyaka irenga itanu muri cooperative Caplaki ikorera mu Rugunga, byatumye hatumizwa inteko rusange yagombaga kuba tariki 30 Nyakanga 2019, ariko iza guhagarikwa na RCA habura iminsi ine ngo ibe. RCA yahise itumiza indi iba kuri uyu wa Gatatu tariki 31 Nyakanga 2019, ku biro byayo, iyoborwa n’umuyobozi mukuru wungirije, Mugwaneza Pacifique. Nyuma yo gusohorwa kw’abanyamakuru, abari bitabiriye inama nabo bakomeje basaba ko inama yasubikwa niba itayobowe na DG wayitumije, birangira basohotse urusorongo hasigara mbarwa.

Habanje gusohorwa abagore batatu n’abagabo babiri. Nyuma bakurikirwa na Kabanda Joachim, umusaza w’imyaka 65, uvuga ko ari mu bashinze Caplaki. Kabanda avuga ko mbere yo gusohorwa yabajije ikibazo agira ati, “Turashaka ko DG wa RCA aza akayobora iyi nama, kuko mwebwe abakozi ntabwo tubizeye, ibyo tuvugana byose siko mubibwira DG, turashaka aze tubimwibwirire”.

Iki kibazo cyabaye nk’ikitanyuze uwari uyoboye inama, Mugwaneza Pacifique, amusaba gusohoka. Mu masaayine na 45, benshi mu banyamuryango ba Caplaki bari bamaze gusubira mu kazi, barimo n’umuyobozi wabo Mutamuliza Michelline.

Ikibazo cyo kuba amakuru batanga agera kuri DG yahinduwe bakomeza kukigarukaho, ndetse bakavuga ko hari abakozi ba RCA bashyigikiye ibibazo biri muri Koperative.

Umwe ati “Inama zacu nyinshi tuzikora hari abakozi ba RCA, ariko imyanzuro DG afata ntaho iba ihuriye n’ibyo tuba twasabye. Amakuru amugeraho yahindutse, niyo mpamvu dushaka ko DG  aza tukamwihera amakuru yuzuye”.

Mutamuriza uyobora iyi Koperative we yibutsa ko Umukuru w’igihugu asaba abayobozi kwegera abo bayobora. Maze ati, “RCA nize iwacu tuyibwire, RCA ihora ihagarika inama zikemura ibibazo, bivuga ko idashaka ko bikemuka. Ndasaba ko DG yaza akabyumva”.

Nyuma yo kuganira na bamwe mu banyamuryango, Bwiza.com yagerageje kubaza DG wa RCA  Prof Harelimana Jean Bosco iby’iyi nama, maze agira ati, “RCA Deputy DG, niwe wakurikiye ibibazo bya CAPLAKI niwe wabaza, yitwa Mugwaneza Pacifique”(atanga na nimero ye).

Twamwandikiye ubutumwa bugufi tumubaza uko inama yagenze, nyuma turanamwibutsa, ariko turacyategereje igisubizo; kuko tunamuhamagara ku nimero DG yatanze ntibikunde.

Hagati yo gusubika inteko rusange no kuyisimbuza indi, ikinyamakuru Ingenzinyayo.com cyagiranye ikiganiro kirambuye n’umuyobozi mukuru wa RCA, mu nkuru cyasohoye tariki ya 28 Nyakanga 2019.

Umunyamakuru: Mwari mwambwiye ko Kareco mutayizi kandi yarahawe ubuzima gatozi 31 ukuboza 2012.

Ikindi hari bamwe mu bakozi uyobora bagaragaye bashyigikira Kareco ko yakorera mu kibanza kimwe na koperetive isanzwe ihakorera mwe mukaba mwabwiye ko koperative yemewe ko itazakoresha inteko rusange 31 Nyakanga 2019 kandi bivugwako ariyo yakemura ibibazo

DG RCA: Nakubwiye ko ikibazo nkizi, ko investigations ziri gukorwa kandi turabikemura mu nzira yubahirije amatekego ya Koperative.

Umunyamakuru: Ese mwumva nta mpungenge bibatera ko mu kibanza kimwe hakorera koperative 2? Muduhe ishusho ko tumaze kumva ko mwahagaritse inteko rusange ya Caplaki mu gihe ngo babatakiye ngo mubarenganure

DG RCA: Ibyo byose biri mu byo ndimo nkurikira.Nasabye ko birinda kugira uwo bafungira business igihe investigations zikiri mu nzira. Inteko rusange yari iyo kuzirukana cyangwa  guhagarika bamwe mu banyamuryango babo kandi nk’uko nakubwiye investigations ntizirarangira. Nka RCA turengera inyungu z’umunyamuryango uwo ariwe wese hirindwa akarengane.Nibahumure ntawe uzarengana rwose.

Umunyamakuru: Biraboneka ko binazwi ko  amategeko ariyo akemura ibibazo, ariko se hari ahemewe ko koperative ikorera mu yindi? Ikindi biravugwako aba ba Kareco bakorera muri caplaki hari abakozi ba RCA babifitemo uruhare?

DG RCA: Tubirimo neza, KAPLAKI ntabwo izarengana na rimwe, iyo Kareco nidusanga ikora kandi ikorera aho ibyemezo bishariye birayitegereje.Gusa business z’abanyamuryango bose ba KAPLAKI zigomba kuba zifunguye zikora mu gihe investigation itararangira.

Uko mbizi nta mukozi wa RCA washigikira imikorere mibi mu makoperative.Ibyo nabyo ndabikurikira.

Inteko rusange ya KAPLAKI n’ubundi niyo ifatirwamo ibibazo bya Coop yabo, ariko RCA yandikiwe na bamwe mu banyamuryango bataka akarengane.RCA rero iteka ireba inyungu z’umunyamuryango, ubu iri gukora investigation kandi zitararangira, guhagarika inteko rusange rero biri mu nzira yo kubanza kubona amakuru yuzuye ngo ejo hatagira abashora koperative mu manza.

Nta tegeko na rimwe twica.Bizagenda neza kandi ntawe uzarenganira muri ibi uri gukorera ubuvugizi.Ndi i Nyamasheke muri International Coop day at District level.Tuzongera kandi wakoze.

Koperative mu yindi, abashyigikiye abahombeje Caplaki

Mu bibazo biraje ishinga abanyamuryango havugwa cyane Koperative Kareco, yashinzwe na bamwe mu bahoze muri Caplaki kandi igakomeza gukorera hamwe nayo.

Urutonde rw’ibimenyeto ni ibi bikurikira:

ibimenyetso bigaragaza ko bamwe  mu banyamuryango ba Caplaki bayivuyemo bagashinga indi Koperative bise Kareco  Village

  1. Ibaruwa igezaho RCA rapporo y’inama rusange idasanzwe ya CAPLAKI yateranye tariki 09/07/2019.
  2. Lisiti y’abagize inama y’ubutegetsi bwa KARECO VILLAGE.
  3. Icyemezo No RCA/893/2012 cya kuwa 31/12/2012 giha ubuzimagatozi koperative  KIGALI ARTIST RESERVE COOPERATIVE (KARECO VILLAGE).
  4. Icyemezo cy’agateganyo no 113/coop/2012 cya KARECO.

5.Liste y’abitabiriye inama rusange ya  KARECO tariki 05/05/2013 

6.Liste y’abanyamuryango ba KARECO bujuje imigabane .

7.Liste y’abanyamuryango ba KARECO bitabiriye inama rusange idasanzwe yo kuwa 03/02/2013.

8.Amasezerano y’ubukode KARECO yagiranye na Adelle wiyitiriraga ikibanza CAPLAKI ikoreramo tariki 28/01/2013.

9.Liste y’amafucture abanyamuryango ba KARECO bishyuriragaho ubukode bw’ikibanza CAPLAKI ikoreramo.

Abanyamuryango ba Caplaki kandi bagaruka ku masano ari hagati y’abashinze Kareco n’abahoze ari abayobozi bahombeje Caplaki bakanabihanirwa. Abo ni Muhizi wari Perezida ubu ufungiye Mageragere (nyuma yo guhungira i Burundi akagaruka), na Munyaneza wari Visi Perezida, wari wakatiwe igifungo cy’imyaka ibiri n’igice

Mu banyamuryango 13 bivugwa ko bagize Kareco, harimo batanu bafitanye isano ya hafi na bariya bahamwe n’ibyaha, n’ubwo icyaha ari gatozi.

Izindi wakunda

Bwiza.com
error: Alert: Ntabwo byemewe!!