bwiza.com
Ahabanza » Abarimu bafite umushahara mucye ariko hari  gahunda yo kubongerera- Min. Uzziel Ndagijimana 
Amakuru Mu mashuli

Abarimu bafite umushahara mucye ariko hari  gahunda yo kubongerera- Min. Uzziel Ndagijimana 

Leta y’u Rwanda iratangaza ko igiye kongerera ubushobozi mwarimu uri mu burezi bw’ibanze mu buryo butandukanye nyuma yo guhabwa inguzanyo y’asaga miliyari 180 z’amafaranga y’u Rwanda na Banki y’Isi.

Banki y’Isi yahaye leta y’u Rwanda inguzanyo ya miliyoni 200 z’amadolari y’Amerika ni ukuvuga asaga miliyari 180 z’amafaranga y’u Rwanda azishyurwa mu gihe cy’imyaka 38, itandatu muri yo u Rwanda rukazayisonerwa. Ni inguzanyo iciriritse izishyurwa ku nyungu ya 0.75 %.

Minisitiri w’Imari n’Igenamigambi Dr. Uzziel Ndagijimana wasinye ku masezerano yemeza iyi nguzanyo yatangaje ko iyi nguzanyo izashyirwa mu rwego rw’uburezi mu bikorwa bitandukanye hagamijwe kuzamura ireme ryabwo muri rusange.

Abajijwe n’abanyamakuru niba hari gahunda yo kuzamura umushahara wa mwarimu ukunze kunenga ingano y’umushahara we, Minisitiri Dr. Ndagijimana yasubije atazuyaje agira ati “Igisubizo ni uko ubuzima bwa mwarimu leta ibwitayeho, turabizi ko bari mu bakozi ba leta bafite umushahara mucye ariko hari  gahunda yo kubongerera umushahara  kugira ngo bagende begera abandi kandi izakomeza no mu mwaka utaha.”

Minisiteri y’Uburezi ivuga ko nyuma yo guhabwa iyi nguzanyo na Banki y’Isi, igiye gushyira imbaraga nayo mu mishinga  yo kuzamura ubumenyi n’ubushobozi mwa mwarimu uri mu burezi bw’ibanze bw’imyaka 12.

Dr Eugene Mutimura Minisitiri w’Uburezi aha arasobanura imwe muri iyi mishanga. Ati“Icya mbere uzafasha abarimu kumenya neza ururimi rw’icyongereza na siyansi ndetse n’imibare ku buryo butandukanye hifashishijwe ikoranabuhanga, ikindi gikomeye cyane uyu mushinga uzafasha abarimu mu buryo bwo kwimenyereza umwuga wabo mu mashuri nderabarezi aho abarimu bazajya bigishwa bagafashwa kugira ngo bige bubake ubushobozi bwabo.”

Arakomeza, ati “Ikindi gikomeye cyane ni ugufasha kugira ngo abajya kwiga mu mashuri nderabarezi bajye baba bafite ubushobozi, hazashyirwaho sisiteme izafasha ku buryo abanyeshuri bafite ubushobozi aribo bazajya bajya mu mashuri nderabarezi.”

Bamwe mu barimu baganiriye na Radiotv Flash,  bakomeje kugaragaza ko umushahara bahabwa ukiri muto bagendeye ku mpamvu zitandukanye.

Umwe yagize ati“Birumvikana wasize abana mu rugo ntacyo kurya bafite nawe ntiwakora utuje.”  Undi nawe yagize ati “Ikintu kibangamira mwarimu ni ubushobozi ku bijyanye n’amafaranga, usanga duhembwa umushahara muto ntabwo ugendanye n’ibiciro biri ku masoko, burya iyo umuntu yariye neza agira akanyamuneza kandi n’iyo adafite ikibazo cy’ubucyene mu rugo  agira akanyamuneza ko gukora akazi bamushinze.”

Kuva mu kwezi kwa 3 muri uyu mwaka wa 2019, Guverinoma y’u Rwanda yazamuye umushahara wa mwarimu ho 10 ku ijana ry’umushahara yari asanzwe ahabwa.

Izindi wakunda

5 Ibitekerezo

Ndangamira Thaddee 02/08/2019 10:45 pm at 10:45 pm

Ibi ni byiza , ariko nibaza impamvu iyo hari akantu niyo kaba gato gakorewe Mwalimu bibanza guca mu itangazamakuru ??
Ibi ntabwo bidufasha ntanubwo bidushimisha. Kuko biduteza rubanda ndetse ari naho bahera baduca amazi. Ntarundi rwego rwabakozi rwongezwa umushahara ngo bivugwe mu itangazamakuru. Kandi nizindi nzego zirongezwa. Mutugiriye neza byajya bikorwa hatabayeho kubisakaza muri social média. Ndabashimiye.

Subiza
ALIAS 03/08/2019 8:25 am at 8:25 am

MURAKOZE KURI IYI NKURU NZIZA. ARIKO MUZATUBARIZE IMPAMVU BASHAKA KWIRUKANA ABALIMU BATIZE UBUREZI KANDI NABO BAMAZEMO IMYAKA MYINSHI BIGISHA? KUKI BATAFASHWA KWIGA UBUREZI KO ABENSHI BADUTEGUJE KWIGA PGDE TWARAMAZE KWAKA INGUZANYO TUKABURA AYO TWISHYURA?NONE BIZWI KO GUHERA 2020 MUKWA MBERE TUTAZAGASUBIRA MO.KOKO BIRAKWIYE KO UMUNTU AMARA IMYAKA 5,6,7 ….YIGISHA PHYSICS ARI NAYO YIZE MURI KAMINUZA NDETSE NA SECONDAIRE UKAMUHEMBA KUMWIRUKANA? BADUFASHE
KUKO LETA NIYO YADUHAYE KWIGA I BUTARE MU GIHE CYACU INADUHA AKAZI. KANDI NATWE IYO BADUHA KWIGA MURI KIE TUBA TWARAHIZE.MURAKOZE KUTWUMVA.

Subiza
Dufitumukiza 03/08/2019 8:33 pm at 8:33 pm

Yewe umushara wa mwalimu wo usibye no kuba muto ntabwo ujagije kubijyanye niminereho ya kino gihe gusa leta yo Nina ishaka ireme ry ‘uburezi ikwiye kwita kumibereho y’umalimu wa primary kuko ntabwo waba wishwe nibibazo byo gutekereza uko wasize umuryango wawe nabibi ngo wumve utuje. Ikindi leta nigenzure ihindagura rya hato na hato ry’imyihishorize ahubwo bakoreshe uburyo bumwe nk’imyaka 6 harebwa umusaruro noneho bongerere mwarimu ubushobozi mumashuri. Icyanyuma iyi system yo kwimura nabadafite ubushobozi ntabwo ari ingenzi ahubwo barikujya bateganya amanota ntarengwa nubwo yaba 45% arko ntibavuge umubare w’abanyeshuri ntarengwa. Bibaye byiza bakwongererera umwalimu wa primary umushahara kuko amahugurwa yo leta irayatanga cyane. Mugire ibihebyiza uburezi bwiza igihugu cyiza.

Subiza
Bachil niyitegeka 05/08/2019 3:49 pm at 3:49 pm

Nanjye uko byumva mwarimu ntago amafaranga bamuha yabashakugira icyo afasha umuryango nubwo batabikora kubwagahimano ariko nabo wajye bashyira mugaciro niba wigisha uba mwikode ko mubizi ko uriya mushahara utakiyubakira inzu. Maze wataha ugasanga nyirinzu arikukwishyuza ibirarane byamezi umurimo harya ubwo wategura isomo uzigisha ejo? Ahubwo ko biba byakuyobeye wibaza Aho uyakura ugasanga bucyeye utanasinziriye ugapfa kujyayo kubera nyine ugomba kujyayo ariko mukuri ntuba utuje bivuze ko ushobora kwigisha uko bidakwiriye. Murakoze ikintu cyokongera umushahara cyo rwose bashyiremo imbaraga maze barebe ko uburezi budatera imbere

Subiza
Jean De Dieu 05/09/2019 11:10 pm at 11:10 pm

Muraho nanjye icyo navuga leta ishake uburyo yatecyereza ku barimu bigisha primary kuko umushahara bafata utajyanye n’igihe rwose .95%bya barimu bigisha muri primary unsanga batungwa na dekuveri aho gutungwa nu mushara wabo.ariko reka twizere ko leta izazamura umushahara wa mwarimu, kandi nibikora uburezi mu rwanda buzagira ireme.murakoze.

Subiza

Tanga Igitekerezo

Bwiza.com