bwiza.com
Amakuru Imyidagaduro

Ibibazo,ibitekerezo n’ibyifuzo nyuma y’aho indirimbo ‘Rwagitima’ igiriye hanze-amashusho

Abakunzi b’umuziki nyarwanda cyane abafana ba Nsengiyumva François (Igisupusupu) bari bategereje indirimbo yise ‘Rwagitima’.

Inkuru ibyukiye ku mbuga nkoranyambaga ni iyo kujya hanze kw’iyi ndirimbo, mu majwi no mu mashusho.

Mu gihe gito cyane igeze ku rubuga rwa YouTube, imaze kurebwa n’abantu hafi 7000, ibtekerezo, ibyifuzo n’ibibazo byayiherekeje na byo biba uruhuri.

Intego abakunzi ba Nsengiyumva Franςois bafite ni uko iyi ndirimbo yageza ku bayireba 1000,000 mu cyumweru kimwe gusa. Ni igitekerezo gishyigikiwe  na benshi.

Bamwe mu bakunzi b’umuziki nyarwanda, cyane uw’Igisupusupu ntibishimiye ukuntu ya magambo y’ibishegu yabaga muri iyi ndirimbo ubwo yayiririmbiraga ku muhanda yakuwemo kuko ngo ni yo yatumye ikundwa cyane. Bemeza ko wari umwimerere wayo. Icyakoze hari urundi ruhande ruvuga ko byari bikwiye ko aya magambo akurwamo.

Benshi bakomeje gushimira Alain Mukurarinda ku bw’uruhare rukomeye yagize mu kumenyekanisha impano y’uyu musaza, harimo no kumufasha mu buryo bwo kumutunganyiriza indirimbo ze ndetse n’ubw’amafaranga.

Imbyino idasanzwe igaragara mu mashusho y’iyi ndirimbo ni akandi gashya kishimiwe cyane n’abamaze kuyireba.

Undi ati: ” Erega muzehe abaye icyamamare! Iyo Imana ibirimo amateka arahinduka. Komeza uhagararire u Rwanda.”

Hari n’abafite icyizere ko iyi ndirimbo izaba ikirebwa no mu 2030.

Igisupusupu arifurizwa ishya n’ihirwe mu muziki yinjiyemo.

Amashusho yafatiwe Kiramuruzi mu karere ka Gatsibo

Indirimbo ‘Rwagitima’ ni yo Nsengiyumva yamenyekaniyeho, ubwo bamufataga amashusho aririmbira iyi ndirimbo ku muhanda yifashishije umuduri, bakayakwirakwiza ku mubuga nkoranyambaga. Ni yo ndirmbo yatumye Alain Muku atekereza uburyo yamufashamo.

Yakurikijeho indirimbo yise ‘Mariya Jeanne’ ariko abayumvishe bayita ‘Igisupusupu’ ari na ho yakuye iri zina. Iyi ndirimbo imaze kurebwa na miliyoni 1.8.

Indirimbo yaherukaga ni Icange imaze amezi atatu igiye hanze. Yo imaze kurebwa na miliyoni 1.3.

Izindi wakunda

Bwiza.com
error: Alert: Ntabwo byemewe!!