bwiza.com
Ahabanza » Umwana w’imyaka 7 bamusanzemo amenyo 526-amafoto
Amakuru Ubuzima Utuntu n'utundi

Umwana w’imyaka 7 bamusanzemo amenyo 526-amafoto

Umwana w’imyaka 7 y’amavuko mu Buhinde, yamaze igihe kinini aribwa mu kanwa ndetse bimuviramo no kubyimba amatama.

Yajyanwe kwa muganga, baramupima, basaga afite amenyo 526, afite uburebure hagati ya milimetero 0.1 na 15 nk’uko Dr. Prathiba Ramani uhagarariye ishami ry’ubuvuzi bw’indwara zo mu kanwa n’amenyo mu bitaro bya Saveetha.

Abaganga bavuye uyu mwana mu mpera z’ukwezi gushize. Byabasabye ko bagenzura buri ryinyo kugira ngo bamenye ikibazo afite.

Basanzemo akantu kameze nk’agafuka kariho aya menyo, bagakuramo. Baragafunguye, basangamo amenyo amagana. Iki gikorwa cyo gukura aya menyo cyatwaye hagati y’amasaha ane n’atanu.

Ibi bitaro bivuga ko uyu mwana ari koroherwa nyuma yo kwitabwaho iminsi itatu. Bivuga ko bidasanzwe gusangana umuntu amenyo menshi nk’aya. Impamvu ishobora kuba yarateye iki kibazo ngo ni inkomoko y’umuryango (genetics) cyangwa se ingaruka z’ibidukikije.
Ubusanzwe umwana uri hagati y’imyaka 7 na 12, nta kibazo afite, aba afite amenyo 20; 10 hasi, andi hejuru. Umuntu mukuru udafite ikibazo aba afite amenyo 32; 16 mu rwasaya rwo hasi n’andi 16 mu rwasaya rwa ruguru.
Amenyo yari muri ako gafuka yarakuwe
Ifoto yavuye mu cyumwa (x-ray)
Zee News

Izindi wakunda

Bwiza.com