bwiza.com
Ahabanza » Uwigeze kuba umuyobozi muri FDLR yafatiwe muri Uganda ararekurwa
Amakuru mashya

Uwigeze kuba umuyobozi muri FDLR yafatiwe muri Uganda ararekurwa

Uwigeze kuba Umuvugizi w’Umuyobozi w’inyeshyamba zirwanya ubutegetsi bw’u Rwanda (FDLR), Anastase Munyandekwe yarafashwe nyuma aza kurekurwa ubwo yari muri Uganda.

Munyandekwe yabaye umuvugizi wa Ignace Murwanashyaka uherutse kugwa mu Budage aho yari afungiwe.

Uyu mugabo nk’uko TNT dukesha iyi nkuru ibitangaza, akunze kuza muri Uganda cyane. Ubwo yafatwaga na Polisi Mpuzamahanga (Interpol) mu minsi mike ishize kubera ibyaha bya jenoside akekwaho, nyuma aza kurekurwa ku mpamvu zitigeze zitangazwa asubira mu Bubiligi.

Uyu mugabo uvuka mu cyahoze ari Perefegitura ya Gikongoro (Nyamagabe y’ubu), iki kinyamakuru gitangaza ko kuva muri Nyakanga 2011  amaze gukorera ingendo 6 muri Uganda. Ntiharamenyakana  impamvu nyamukuru y’izi ngendo ze muri iki gihugu.

Munyandekwe yari umuyobozi wa MDR-Power mu yahoze ari Gikongoro ariko mu gihe cya Jenoside yabaga mu Kagari ka Rugunga, Umurenge wa Biryogo muri Kigali.

Yakoze muri Minisiteri y’ubwikorezi n’itumanaho (Minitransco), nk’umuyobozi w’ishami ry’ubushakashatsi n’ikoranabuhanga.

 

 

 

Izindi wakunda

Bwiza.com