bwiza.com
Imyidagaduro

Diamond aravugwaho kuba mu rukundo n’undi mugore

Umuhanzi Diamond Platnumz aravugwaho kugirana ibihe byiza n’undi muririmbyi wo muri Tanzania witwa Lulu Diva.

Aya makuru yacicikanye ku mbuga nkoranyambaga mu gihugu cya Tanzania, avuaga ko  Diamond ari mu rukundo na Diva.

Ibi byahereye ku mashusho yagaragaye ku mbuga nkoranyambaga aba bombi bari mu bihe byiza.

Ibi byabereye mu gitaramo cyashyiraga hanze alubumu nshya y’uwitwa Romy jons nk’uko Ghafla ibitangaza.

Paji izwiho gutangaza ibitazwi na benshi yitwa Udaku TZ yashyize hanze inkuru igira iti “ Amakuru yakwirakiwiye ku mbuga nkoranyambaga ni uko umuhanzi w’Umunyatanzania Diamond Platnumz na Lulu Diva ari abakunzi. Ibi bije nyuma y’aho hari amashusho yagaragaje aba bombi  bari mu bikorwa byerekeza ku kabariro [mahaba].”

Ku ruhande rwe, Diamond yahakanye aya  makuru.

Yagize ati “  Nta mubano uri hagati yanjye na we. Ndasaba umuntu uri gukwirakwiza ibi bintu kubihagarika.”

Mushiki we, Esma Platnumz yunzemo ko aya magambo agamije kuzana umwuka mubi mu rugo rwa Diamond.

Ibi biravugwa nyuma y’aho  Diamond atangaje ko atazigera aca inyuma umugore we Tanasha.

Lulu Diva ntacyo aratangaza kuri ibi, gusa muri iki gihe yamaze kwambikwa impeta n’umudepite wo muri Kenya, Charles Njagua Kanyi uzwi nka Jaguar.

 

 

Izindi wakunda

Bwiza.com
error: Alert: Ntabwo byemewe!!