bwiza.com
Ahabanza » Goma: 12 barakekwaho ubwandu bwa Ebola-Ibiro bya Perezida wa Congo
Amakuru Ubuzima

Goma: 12 barakekwaho ubwandu bwa Ebola-Ibiro bya Perezida wa Congo

Ibiro bya Perezida wa Repubulika Iharanira Demukarasi ya Congo kuri uyu wa 3 Kanama byatangaje ko abandi bantu 12 bashobora kuba bafite ubwandu bwa Ebola mu mugi wa Goma.

” Abantu 12 baturutse mu duce dutandukanye twa Goma bari gusuzumwa indwara ya Ebola.” Ibiro bya Perezida.

Aya makuru yatangajwe nyuma y’impuruza yatanzwe n’abashinzwe kurwanya iki cyorezo.

Kuri uyu wa 2 Kanama, abantu batandatu bakekwagaho Ebola barekuwe nyuma yo gupimwa bagasanga nta kibazo bafite.

Ibi biro bikomeza ivuga ko amakuru ya babiri bemejwe ko banduye atahindutse. Abo ni umugore n’umukobwa b’uwa kabiri wahitanywe n’iki cyorezo mu mugi wa Goma.

Umuntu asuzumwa Ebola iyo basanze hari bimwe mu bimenyetso bihuje n’iby’iyi ndwara. Kuva yibasira Congo mu 2018, imaze gutwara ubuzima bw’abakabakaba 1800 mu bantu 2619 banduye. Mu mugi wa Goma, umuntu wa mbere yafashwe n’iyi ndwara ku wa 14 Nyakanga, apfa ku wa 17.

Ibi ni ibimenyetso bya Ebola

Media Congo

Izindi wakunda

Bwiza.com